මස්කට් හැදීමට අවශ්ය දේ :
තිරිඟු පිටි අඬු කෝප්ප 2
පොල් කිරි (තෙවරක් මිරිකාගත් පොල් ගෙඩියක කිරි)
සීනි අඬු කෝප්ප 4
එළඟිතෙල් මේස හැඳි 2
ආහාර වර්ණකාරක බිංදු 2-3ක්
කජුමද (රන්වන් පාටට බැදගත්) අවශ්ය පමණට
මස්කට් හදමු :
1. බඳුනකට තිරිඟු පිටි එක්කර එයට වතුර දමා හොඳින් දියකර පෙරාගන්න.
2. එවිට පිටිවල ඇති ඇලෙන සුළු කොටස වෙන්කර ගත හැකිය.
3. එසේ පෙරාගත් පිටි කොටස (ග්ලුටන්) සහ පොල් කිරි ඝනකම් පතුල සහිත පෑන් එකකට දමා හොඳින් කලවම් කරගෙන මද ගින්දරේ උණු කරන්න.
4. උණු වී ගෙන එන විටම එයට සීනි එකතු කර, වර්ණකාරක බිංදු 2-3ක්ද එක් කර හොඳින් හැඳිගාන්න.
5. එම මිශ්රණය එකම ගුලියක් සේ හැන්දට එකතු කර ගත හැකි පදමට පැමිණ තුනීකර ගැනීමට හැකිවන පදමට එනතෙක් දිගටම හැඳිගාන්න.
6. එවිට පොල් තෙල් වෙනම මතුවී පෙනේ. දැන් ලිප නිවා දමන්න.
7. තැටියක් ගෙන එළඟිතෙල් ගල්වා ඒ මත සාදාගත් මස්කට් මිශ්රණය තුනීකර ඊට උඩින් බැදගත් කජු දමා කැබැලි කපා පිළිගන්වන්න.