දවල් ආහාරයේ කෑම රුචිය වැඩි කරන ඇඹරැල්ලා තෙම්පරාදුව ලේසියෙන්ම හදාගන්න.
අවශ්ය ද්රව්ය :
පෙති ලෙස කපා ගත් යන්තමින් ඉදුණු ඇඹරැල්ලා ගෙඩි 5
කපා ගත් රතු ළූණු ගෙඩි 10
කැලි මිරිස් තේ හැඳි 1
කහ කුඩු තේ හැඳි 1/4
ලුණු පදමට
කපා ගත් අමු මිරිස් කරල් 2
පොල් තෙල් මේස හැඳි 2
රම්පේ
කරපිංචා
කරඳමුන්ගු 1 (අවශ්ය නම්)
සිනි තේ හැඳි 1
කපා ගත් කජු මද 25g
වතුර කෝප්ප 1 /4
සාදන ක්රමය :
01. ඇඹරැල්ලා සමග රතු ළූණු, අමු මිරිස්, කැලි මිරිස්, ලුණු සහ කහ එකතු කර හොදින් සීසන් කරගන්න.
02. භාජනයක් ගෙන ලිපේ තබා තෙල් දමා රත් වන විට කරඳමුන්ගු, රම්පේ, කරපිංචා දමා රත් වන විට සීසන් කර ගත් ඇඹරැල්ලා එකතු කර හොඳින් කවලම් කරගන්න.
03. ඉන් පසු වතුර එකතු කර මද ගින්නේ පිස ගන්න.
04. ඇඹරැල්ලා තැම්බි ඇත්දෙයි බලා සිනි එකතු කර හොඳින් කලවම් කර ලිපෙන් බා ගන්න.