මේ ආහාර 5 නිසා ඔබව ඉක්මණටම වයසට යනවා

December 9, 2019
580
You grow look old if you use these 5 food
ඔබ වයසට යාම වේගවත් වීමට සහ එලෙස වයසට යාම ඔබේ සම මත කෙතරම් පැහැදිලිව පෙනෙනවාද යන්නට සාධක රාශියක් බලපානවා. ජාන විද්‍යාව මේවායින් ප්‍රබලම හේතුව වන අතර එය පාලනය කිරීමට අපට නොහැකියි. නමුත් වයසට යාමේදී ඔබට පාලනය කළ හැකි බොහෝ දේ තිබෙනවා. දුම් පානය, හිරු එළියට නිරාවරණය වීම සහ විශේෂයෙන් ආහාර සම්බන්ධ පුරුදු වියපත් වීම ඉක්මන් කරවනවා.

අපි හැමෝටම හොඳ පෙනුමක් ලබා ගැනීමට අවශ්‍යයි. සිරුරට සුවයක් දැනෙන විට, එය ඔබේ මුහුණේ ද පෙන්වයි. ශරීරය ඉක්මණින් වයසට යාමෙන් විවිධ කැක්කුම් හා වේදනාවන් ඇතිවිය හැකි අතර දියවැඩියාව, හෘද රෝග සහ පිළිකා වැනි නිදන්ගත රෝග සඳහාද ඔබේ ශරීරය මුහුණ දෙන්න පුලුවන්. අපට කිසි විටෙකත් ඉක්මණින් වයස්ගත වීමට අවශ්‍ය නොවුනත් අපේම වැරදි පුරුදු නිසා නිසි වයසට පෙර ශරීරය වයස්ගත වීම ඉක්මන් වෙනවා. 

නිරෝගී ශරීරයක් සහ තරුණ පෙනුමක් පවත්වා ගැනීමට නම් ඔබේ ආහාර වේලෙන් මේවා කපා ඉවත් කරන්න.

1. මාගරින්

මීට වසර කිහිපයකට පෙර මාගරින් එහි සන්තෘප්ත මේද අන්තර්ගතය නිසා නරක නමක් දිනා ගත්තා. අවාසනාවකට මෙන්, මාගරින් ඇත්ත වශයෙන්ම ඔබේ ශරීරයට තරමක් නරකයි. මාගරින් ට්‍රාන්ස් ෆැට් වලින් පිරී ඇති අතර එය ඔබේ නිදන්ගත රෝග අවදානම වැඩි කරයි. එය ඔබේ ශරීරයේ සජලනය වීමේ මට්ටම ද අවුල් කරයි. නිදන්ගත විජලනය කියන්නේ සමේ රැළි ඇති වීමට හේතුවක් වන අතර එය අනිවාර්යයෙන්ම අනවශ්‍ය ප්‍රතිවිපාකයකි. මාගරින් වලට අමතරව ඔමේගා -6 මේද අම්ල ඉහළ මට්ටමක පවතිනවා. ඔබේ ශරීරයට මේවායින් සමහරක් අවශ්‍ය වුවත්, ඕනෑවට වඩා ලබා ගැනීම ගැටලු ඇති කරවනවා.

2. ක්ෂණික ආහාර

අපේ ජීවිත කාර්යබහුලයි. ඒ නිසා ඔබටත් ගෙදරදී සෑම දිනකම නැවුම් ආහාර පිසීම ජයගත නොහැකි අභියෝගයක් වෙලා ඇති. ආහාර සැකසීම පහසු කරවන බොහෝ මයික්‍රෝවේව් ආහාර සහ ඇසුරුම් කළ ආහාර තුළ ඇත්ත වශයෙන්ම සෞඛ්‍ය සම්පන්න නොවන රහසක් සැඟවී තිබෙනවා. ඒ අධික ලුණු යි. බොහෝ දෙනෙක් එම ආහාර මඟින් ශරීරයට අනවශ්‍ය තරම් අධික ලෙස ලුණු ලබා ගන්නවා. පහසුව සඳහා සකස් කළ ආහාර හෝ ක්ෂණික ආහාර මත යැපෙන විට එය සැබවින්ම පහසුයි තමයි. ඒත් භයානකයි. සෞඛ්‍ය සම්පන්න ආහාර පිසීම ඔබේ කාලසටහනට අනුව අමාරු නම්, ඒ වෙනුවට සෞඛ්‍ය සම්පන්න ආහාර සපයන තැනක සේවාවක් ලබා ගැනීමට යොමු වෙන්න.

3. ශක්තිජනක පාන

ඔබේ දවස පුරා ශක්තිය අවශ්‍ය යැයි ඔබට හැඟේ නම්, සෑම රාත්‍රියකම කලින් නින්දට යන්න. ඔබේ නින්දේ කාලය වැඩි දියුණු කිරීමෙන් ඔබට තරුණ බවක් දැනීමට සහ පෙනීමට බොහෝ දේ කළ හැකි නමුත් ශක්තිජනක බීම කරන්නේ ඊට හාත්පසින්ම වෙනස් දෙයක්. ඒවායේ සීනි, කැෆේන්, සෝඩියම් සහ අම්ල අධිකයි. එම මාරාන්තික සංයෝජනය ඔබේ දත් වලට හානි කරවන අතර විජලනය වීමට දායක වෙනවා. ඊට වඩා හොඳ නින්දක් ලබා ගන්නවා කියන්නේ ඊළඟ දවසේ ඔබ කළ යුතු සියල්ල ඉතා වේගයෙන් සිදු කල හැකි යහපත් හේතුවක්.

4. සීනී සහිත ආහාර

වයසට යාමේ දී සීනි කියන්නේ බොහෝ විට අපේ පොදු සතුරා විය හැකියි. එය සෑම තරාතිරමකම ආහාර වල අන්තර්ගතයි. එය විශාල ගැටළුවක් වන බැවින් තරබාරුකම ඇති කරන විශාලතම හේතුවත් එයයි. අධික ලෙස සීනි ආහාරයට ගැනීමෙන් නිදන්ගත රෝග ඇති වීම සඳහා ඔබේ ශරීරය තුල පරිසරයක් සැකසෙනවා. එය දියවැඩියාව වර්ධනය කිරීමට දායක වනවා පමණක් නොව, සීනි කියන්නේ පිළිකා සෛලවල ප්‍රියතම ඉන්ධනයක්. ඔබ කඩෙන් මිලදී ගන්නා ඕනෑම ආහාරයක කොච්චර සීනී ප්‍රමාණයක් අඩංගු දැයි බැලීම සඳහා ලේබල් කියවන්න. 

5. ඉහළ ග්ලයිසමික් දර්ශක සහිත කාබෝහයිඩ්‍රේට් ආහාර

ග්ලයිසමික් දර්ශකයේ, පිරිපහදු කළ සුදු පිටිවලින් සාදන ලද පාන් සහ පැස්ටා ඉහළ මට්ටමක පවතින අතර එයින් අදහස් වන්නේ ඒවා ඔබේ රුධිරයේ සීනි ඉතා ඉක්මණින් ඉහළ යවන බවයි. පිරිපහදු කළ කාබෝහයිඩ්‍රේට් ආහාර සමේ වයසට යාම වේගවත් කරන අතර කුරුලෑ සහ කැළැල් ඇති කරයි. ඒ වෙනුවට සම්පූර්ණ තිරිඟු නිෂ්පාදන අනුභව කරන්න. පිරිපහදු කළ ද්‍රව්‍යවලට වඩා ඒවා ඔබව සම්පූර්ණයෙන් පුරවනවා. රුධිර පීඩනය අඩු කිරීමට සහ දෙවන වර්ගයේ දියවැඩියාව සහ හෘද රෝග ඇතුළු නිදන්ගත රෝග ඇතිවීමේ අවදානම අඩු කිරීමට ඒවාට පුලුවන්. තවත් විකල්පයක් නම් බෝංචි ඇට වලින් හදන පැස්ටා හා හණ බීජ වලින් සාදන ලද පාන් අනුභව කිරීම ගුණයි. ඔබේ තරුණ පෙනුම පවත්වා ගැනීමට අවශ්‍ය නම් බේක් කළ ආහාර ද කපා හැරීම වැදගත්.

Related Articles

Featured Articles

Trending Articles

අපේ ජනප්‍රියම ලිපි

Do you know about the disease in womb?
   14,823
   1,348

කාන්තා ප්‍රජනන පද්ධතිය ආශ්‍රිත රෝගාබාධ ගැන ඔබ දන්නවාද?

බොහෝ දකුණු ආසියාතික රටවල වගේම ලංකාවෙත් මේ ප්‍රජනන පද්ධතියේ රෝග සම්බන්ධව මිත්‍යා විශ්වාස ගොඩක් තිබෙන නිසා බොහෝ ලෙඩ රෝග මුල් අවස්ථාවේදීම ප්‍රතිකාර ගැනීමෙන් වැළකිලා යනවා
How to be a good mother to your daughter
   212
   139

ඔයාගේ දියණියට හොඳ මවක් වෙන්නේ කොහොමද?

ඔයාගේ දියණියට ඵලදායී සහ ආදරණීය මවක් වීමට ඔයාට උපකාරී වන අදහස් කිහිපයක් මේ ලිපියෙන් කියන්න බලාපොරොත්තු වෙනවා
Symptoms to say you are pregnant
   23,705
   99

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Indoor plants that cleans air inside your house
   35,155
   84

ගෙදර ලිපෙන් පවා පිට වන විෂ වායු නසන, නිවෙස තුළ තබන පැල (Indoor Plants)

මෙන්න මේ ශාක මගින් වැඩි ඔක්සිජන් වායුවක් පිට කරනවා වගේම නඩත්තු කරන්නත් ඔබට එච්චර වද වෙන්න ඕනේ නෑ
Don't ever think of marring these 5 men
   32,935
   65

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා

Latest Articles

Most Viwed

 |

x