ඔයාගේ දියණියට හොඳ මවක් වෙන්නේ කොහොමද?

February 24, 2020
4,027
How to be a good mother to your daughter
ඔයා බිරිඳක් වගේම කාලයක් යනකොට මවක් වෙනවා. ඒ වගේම මව සහ දියණිය අතර ඇති වන බැඳීම සැබවින්ම සුවිශේෂීයි. ගැහැණු ළමයින්ගේ ජීවිත කාලය පුරාම අම්මාට ලැදියාවක් දක්වනවා. මව්වරුන් සහ දියණියන් අතර සමීප සම්බන්ධතාවයක් පැවතීම පවුලේ සතුට වැඩි කරන්නක්. ඉතින් අද හැඩකාරී අපි ඔයාගේ දියණියට ඵලදායී සහ ආදරණීය මවක් වීමට ඔයාට උපකාරී වන අදහස් කිහිපයක් මේ ලිපියෙන් කියන්න බලාපොරොත්තු වෙනවා.

මවක් වුණාට පස්සේ දරුවන්ගේ වැඩත් කරන්න වෙන්නේ අම්මට තමයි. නමුත් ඔයාට දියණියක් ඉන්නවා නම් ඔයාගේ වැඩ තරමක් දුරට පහසු වෙනවා. ඒවගේම මවක් තම දියණිය ඉදිරියේ ක්‍රියා කරන ආකාරය බොහෝ දුරට ඔයාගේ දියණියගේ හැසිරීමට බලපානවා. ඔයා​ට ආඩම්බර විය හැකි ආකාරයට ඔ​යා​ගේ දියණිය​ව උස් මහත් කරන්න. දියණියට ආඩම්බර විය හැකි මවක් වෙන්නත් ඔබ හිතෙ තබාගන්න ඕනේ. දියණියගේ ජයග්‍රහණයන් ගැන සතුටු වන්න, දියණියගේ දක්ෂතාවයන් ගැන නිසි අවබෝධයක් ඇති​ව සහ ධනාත්මක​ව ඔයා​ගේ දියණියගේ අනාගත​ය සවිබල ගන්වන්න.

පුතෙකුට වඩා දියණියක්ගේ හැඟීම් හා ශාරීරික ආරක්ෂාව සුරක්ෂිත කිරීමට වැඩි වෙහෙසක් ගන්න වෙනවා. ඒ සඳහා යම් යම් සීමාවන් පණවන්නත් සිද්ධ වෙන්න පුළුවන්. නමුත් නිමාවක් නැතිව සීමාවන් ප​ණවද්දී දියණියන් මව්වරුන්ගෙන් ​ඈත් වෙන්න පටන් ගන්නවා. ​ඒ නිසා දියණිය සහ මවගේ සම්බන්​ධතාවය මිතුරන් සේ පවත්වා ගැනීම වැදගත්.

කාන්තාවන්​ට රූපලාවණ්‍ය කෙරෙහි ඇල්මක් තියෙන නිසා මව සහ දියණියට රූපලාවණ්‍යය ගැන කතා කරන්න අවස්ථාව ලැබෙනවා. අලංකාරය කියන්නේ කුමක්ද යන්න පිළිබඳව ඇයව දැනුවත් කරන්න. තමන්ගේ පෞරුෂයට හානි නොවන ආකාරයට ඒ දේවල් වල සීමාවන් දැනගෙන කරන්න ඇයට උදවු වන්න.

ඔයාට හැකි සැම විටම දියණිය සමග කාලය ගත කර ඉන් නිසි ප්‍රයෝජනය ගන්න. ඇය මොන වගේද කියා තේරුම් ගන්න ඒ කාලය යොදාගන්​න. ඇයව සැලකිල්ලට ගෙන ඇයගේ රුචි අරුචිකම් ගැ​න විවෘතව කතා කරන්න. ඒ ගැන ඔබ දෙදෙනාගේ අදහස් හුවමාරු කරගන්න. ඔයාට දියණියගේ තීරණ වලට එකඟ වීමට අවශ්‍ය නැති නම් එයට අකමැති බව සහ එම තීරණයේ වාසි සහ අවාසි ගැන කියලා දෙන්න. තමන්ගේ ගෞරවය සහ ස්වාධීනත්වය වර්ධනය කර ගැනීමට ඇයට අවස්ථාව ලබා දෙන්න.

ගැහැනු ළමයින්ගේ කේන්තිය නවත්වන්න උත්සහ කරන්න එපා. එම හැඟීම් වලින් ලබන අත්දැකීම් වි​ඳ ගැනීමටත්, හැගීම් සමඟ සාර්ථකව ගනුදෙනු කිරීමටත් අවස්ථාව ලබා දෙන්න. ජීවිතයේ සතුටුදායක වගේම දුක්ඛදායක හැඟීම් එක්කත් සාර්ථකව ගනු දෙනු කරන්න ඉගෙනගන්නට ඇයට සහාය වන්න.

නව යොවුන් වියේ සිට මැද භාගය දක්වා ඇයගේ ආශාවන්, දක්ෂතාවයන් සහ අරමුණු සොයා ගැනීමට හැකි වන පරිදි විවිධ ක්‍රියාකාරකම් අත්හදා බැලීමට ඇයව දිරිමත් කරන්න. සමහර ගැහැනු දරුවන්ට ඔවුන්ගේ ආශාවන්, දක්ෂතාවයන් සහ අරමුණු සොයා ගැනීමට අනෙක් අයට වඩා වැඩි කාලයක් ගත වෙනවා. ගැහැනු ළමයින්ට කුරුල්ලෙකු ලෙස සිතන්න පුරුදු කරන්න. ගැහැනු ළමයෙක් ඇගේ ආශාවන් සහ අනාග​ත අරමුණු සොයාගත් පසු, ඇයගේ කුසලතා වර්ධනය කර ගැනීමට උදව් කරන්න.

ඔයාගේ හැකියාවන් කෙරෙහි විශ්වාසයක් තබා ගන්න. ඔයාගේ සහජ බුද්ධිය මඟින් දියණිය දෙමව්පියන්ට කීකරුව හදා වඩා ගන්න. ගැහැනු ළමයින් තම මව්වරුන්ට ආදර්ශයට ගන්නවා. එ නිසා ඔයා සැමියාට හො​ඳ බිරිදක් වීමටද අවශ්‍යයි. ඔවුන්ගේ ජීවිතයේ ස්ථාවර වීමට මවගේ චරිතය බෙහෙවින් ඉවහල් වෙන බව සිහියේ තබාගෙන කටයුතු කරන්​න .

Related Articles

Featured Articles

Trending Articles

අපේ ජනප්‍රියම ලිපි

How to keep your feet beautiful
   44,045
   112

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන
Signs You're In A Toxic Relationship And It's Ruining Your Life
   94,618
   111

මේ දේවල් ඔබට කරන්න කියන පෙම්වතුන් ගැන නම් දෙපාරක් හිතන්න

අපි හැමෝම ආදරේ කරන්න වගේම ආදරේ ලබන්නත් කැමතියි. ඒත් වැරදි සම්බන්දතාවයක අපි හිර උනොත් මේ දෙකෙන් එකක්වත් අපිට ලැබෙන්නේ නෑ
You’ll be surprised to hear the benefits of drinking warm water
   9,990
   92

හැමදාම උණුවතුර බොන අයට ලැබෙන දේවල් ඇහුවොත් ඔබ පුදුම වෙයි

අද අපි කියන්න යන්නේ ටිකක් රස්නෙන් වතුර බොන අයට ලැබෙන පුදුම හිතෙන දේවල් ටිකක් ගැන
Remedies for skin itchiness in pregnancy
   8,300
   88

අම්මා කෙනෙක්ට ගර්භණී සමයේදී සිරුර මත ඇති වෙන කැසීම් සඳහා පිළියම්

ගර්භණී සමයේදී ඇති වෙන කැසීම් වළක්වා ගැනීම සඳහා ඔබට වැදගත් වෙන ස්වාභාවික හා ආරක්ෂිත නිවෙස් පිළියම් කිහිපයක් මෙන්න
How to made the perfect spree blouse
   11,686
   72

ඔයා අඳින සාරියට ගැළපෙන සාරී බ්ලවුස් එකක් මහන්නේ මෙන්න මෙහෙමයි

අද අපි තීරණය කළා සාරී ජැකට් එකක් ඔයා මැසීමේදී එහෙමත් නැති නම් මිලදී ගැනීමේදී අවධානය යොමු කළ යුතු කරුණු කිහිපයක් ඔයා එක්ක කතා කරන්න

Latest Articles

Most Viwed