කුරුලෑ වලට ප්‍රතිකාර කිරීම සඳහා කෙසෙල් ලෙල්ල භාවිතා කිරීමට සරල ක්‍රම 5ක්

July 14, 2020
5,149
5 ways to fight acne with banana peel
කුරුලෑ සඳහා නොයෙකුත් විසඳුම් සොයාගෙන තියෙනවා. නමුත් ඒවායින් බො​හොමයක් මගින් සාර්ථක ප්‍රතිඵල අත්වෙන්නේ නැහැ. වැඩි දෙනෙක් නොදන්නා නමුත් කෙසෙල් ලෙලි කියන්නේ කුරුලෑ සඳහා ඵලදායී ප්‍රතිකාරයක්. කුරුලෑ වලින් මිදීමට ඔයාට කෙසෙල් ලෙල්ල භාවිතා කළ හැකි විවිධ ක්‍රම 5 ක් ගැනයි හැඩකාරී අපි අද ඔයාට කියලා දෙන්න හිතුවේ. නමුත් පළමුවෙන්ම කෙසෙල් ලෙල්ල කුරුලෑ වලට එරෙහිව සටන් කරන ආකාරය දෙස බලමු.

කෙසෙල් ලෙල්ල කුරුලෑ වලට හොඳද?

කෙසෙල් ලෙල්ලේ ලුටීන් වැනි ප්‍රතිඔක්සිකාරක අඩංගු වන අතර හිරු එළිය වැනි හානිකර සාධක වලින් සම ආරක්ෂා කිරීමට උපකාරී වෙනවා. ඒවා​යේ ඇති මේද-අම්ල මගින් සමේ විවිධ ගැටළු වලට ප්‍රතිකාර කිරීමට පුළුවන්. කෙසෙල් කියන්​නේ සින්ක් ලබාදෙන හොඳ ප්‍රභවයක්​ද වන අතර එය කුරුලෑ වලට එරෙහිව සටන් කරනවා.

කුරුලෑ සඳහා කෙසෙල් ලෙල්ල භාවිතා කරන්නේ කොහොමද?

1. කෙසෙල් ලෙල්ල මුහුණේ ඇතිල්ලීම

ඔයාට අවශ්‍ය වන්නේ,
කෙසෙල් ලෙල්ලක්

ක්‍රමය 
01. මුහුණ ක්ලෙන්සර් එකකින් සෝදා තුවායෙන් වියළා ගන්න.
02. කෙසෙල් ලෙල්ල (ඇතුල් පැත්තෙන්) ඔයාගේ මුහුණේ සම මත විනාඩි 10 ක් පමණ සම්බාහනය කරන්න.
03. ලෙල්ල දුඹුරු පැහැයට හැරේ නම්, අලුත් ලෙල්ලක් භාවිතා කරන්න.
04. මිනිත්තු 20 ක් පමණ සිට මුහුණ සෝදා හරින්න.

කෙසෙල් ලෙල්ලේ ඇති මේද-අම්ල සහ ප්‍රතිඔක්සිකාරක නිසා සමේ සෞඛ්‍යය නංවාලීමට උපකාරී වෙනවා. මෙමගින් කුරුලෑ වලින් මුදවා සම සුවපත් කරන අතර අනාගතයේ සමේ කුරුළෑ ආසාදන ඇති වීමට අවම කරවනවා. දිනකට වරක්වත් මෙම සත්කාරය කරන්න අවශ්‍යයි.

2. ඕට්ස් සහ කෙසෙල් ලෙලි
 
ඔයාට අවශ්‍ය වන්නේ,
කෙසෙල් ලෙල්ලක් 
ඕට්ස් කෝප්ප ½ක්
සීනි මේස හැඳි 3ක්
තෙල් රහිත, මුහුනේ සිදුරු අවහිර නොකරන මොයිස්චරයිසර් එකක් 

ක්‍රමය 
1. කෙසෙල් ලෙල්ල, ඕට්ස් සහ සීනි සිනිඳු මිශ්‍රණයක් ලැබෙන තුරු බ්ලෙන්ඩ් කරන්න.
2. මෙම මිශ්‍රණය ඔයාගේ මුහුණට ආලේප කර, රවුමට මිනිත්තු 10 ක් පමණ සම මෘදු ලෙස සම්බාහනය කරන්න.
3. මිනිත්තු 10 කට පසු, මද උණුසුම් ජලයෙන් මුහුණ සෝදා පිසදා ගන්න.
4. පසුව තෙල් රහිත මොයිස්චරයිසර් එක අලේප කරන්න.

මෙම ප්‍රතිකාරය මගින් කුරුලෑ වලින් මිදීමට ඇති හැකියාව වැඩි කරන අතරම ඔයාගේ සමේ අපද්‍රව්‍ය ඉවත් ක​ර සම පැහැපත් කර ගැනීමට උපකාරී වනවා. මෙය විශිෂ්ට කුරුලෑ නාශකයක් ලෙස ක්‍රියා කරයි. කුරුලෑ නරක අතට හැරෙන බැවින් ඔයා ඕනෑවට වඩා තදින් සම්බාහනය කරන්න එපා.

3. ලෙමන් යුෂ සහ කෙසෙල් ලෙල්ල 

ඔයාට අවශ්‍ය වන්නේ,
පොඩි කරගත් කෙසෙල් ලෙලි මේස හැඳි 1
ලෙමන් යුෂ මේස හැඳි 1
කපු පුළුන් බෝල 

ක්‍රමය 

1.  අමුද්‍රව්‍ය සියල්ල එකතු කර සුමට මිශ්‍රණයක් සදා ගන්න.
2. කපු පුළුන් බෝල භාවිතයෙන් සමේ බලපෑමට ලක් වූ ප්‍රදේශවලට (කුරුලෑ සහිත තැන් වලට) මිශ්‍රණය අලේප කරන්න.
3. පසුව මිනිත්තු 15 ක් පමණ තබා මද උණුසුම් ජලයෙන් මුහුණ සෝදන්න.

ලෙමන් වල ඇති ස්වාභාවික ​අම්ල මඟින් කුරුලෑ ඇති කරන බැක්ටීරියා විනාශ කිරීමට උපකාරී වෙනවා. එය නිතිපතා භාවිතයෙන් කුරුලෑ කැළැල් පවා ඉවත් කරගන්න හැකි වෙනවා.

4. බේකින් පවුඩර් සහ කෙසෙල් ලෙල්ල 

ඔයාට අවශ්‍ය වන්නේ,
පොඩි කළ කෙසෙල් ලෙලි මේස හැඳි 1
බේකින් පවුඩර් මේස හැඳි 1/2
තෙල් රහිත, මුහුනේ සිදුරු අවහිර නොකරන මොයිස්චරයිසර් එකක්

ක්‍රමය 

1. අමුද්‍රව්‍ය සියල්ල එකතු කර සුමට මිශ්‍රණයක් සදා ගන්න.
2. මෙම මිශ්‍රණය සමේ බලපෑමට ලක් වූ (කුරුලෑ ඇති) ප්‍රදේශවලට අලේප කරන්න.
3. මෙම මිශ්‍රණය මිනිත්තු 2 ක් පමණ තබන්න. ඉන්පසු ඇල්මැරුණු ජලයෙන් සෝදන්න.
4. අවසානයට තෙල් රහිත මොයිස්චරයිසර් එක අලේප කරන්න.

බේකින් පවුඩර් මුහුනේ සිදුරු වලින් විෂ ද්‍රව්‍ය ඉවත් කරයි. කුරුලෑ ඉක්මනින් වියළීමට, රතු පැහැය අඩු කිරීමට සහ සම පැහැපත් කිරීමටද එය උපකාරී වෙනවා.

5. කහ සහ කෙසෙල් ලෙල්ල
 
ඔයාට අවශ්‍ය වන්නේ,
පොඩි කළ කෙසෙල් ලෙලි මේස හැඳි 1
කහ මේස හැඳි 1
තෙල් රහිත, මුහුනේ සිදුරු අවහිර නොකරන මොයිස්චරයිසර් එකක් 

ක්‍රමය

1. සුමට මිශ්‍රණයක් ලැබෙන තුරු අමුද්‍රව්‍ය එකතු කර මිශ්‍ර කරන්න.
2. මෙම මිශ්‍රණය මුහුණට ආලේප කර රවුම් චලිතයකින් මිනිත්තු 15 ක් පමණ සම මෘදු ලෙස සම්බාහනය කරන්න.
3. මිනිත්තු 15 කට පසු, මද උණුසුම් ජලයෙන් මුහුණ සෝදා පිරිසිදු තුවායකින් වියළා ගන්න.
4. පසුව තෙල් රහිත මොයිස්චරයිසර් අලේප කරන්න.

කහ වල විශිෂ්ට ප්‍රතිබැක්ටීරීය හා දැවිල්ල සහ ඉදිමුම් සුව කිරී​මේ ගුණ ඇත. කෙසෙල් ලෙල්ල සමඟ එකතු කිරීමෙන් සමේ ඇති කුරුලෑ ඇති කරන බැක්ටීරියා විනාශ කරයි.

Related Articles

Featured Articles

Trending Articles

අපේ ජනප්‍රියම ලිපි

Shirt dress inspirations to stand out like a diamond
   10,297
   2,599

දියමන්තියක් වගේ කැපිලා පෙනෙන්න සැහැල්ලු ෂර්ට් ඩ්‍රෙස් විලාසිතාවන්

ෂර්ට් ඩ්‍රෙස් කියන ඇඳුම අනිත් මොන ඇඳුමක් එක්ක ගත්තත් පුංචි වැදගත් කමක් ඔයාට එකතු කරනවා. අද හැඩකාරී අපි ඔයාට මහගන්න, මස්සවගන්න සැහැල්ලු ෂර්ට් ඩ්‍රෙස් පැට්න් වලට අදහස් ටිකක් දෙන්න යන්නේ
Difference between love and truth - Story
   3,888
   1,278

ප්‍රේමයේ බැඳීම සහ සත්‍යය අතර වෙනස - Story

ඔවුන් අතර තියන දැඩි ප්‍රේමය නිසා ඔවුන්ට ඒ තීරණය අරන් වෙන් වෙන්න කිසිම අවශ්‍යතාවයක් තිබ්බේ නෑ..
Don’t do these mistakes that slow hair growth
   12,353
   1,002

ඔයාගේ හිසකෙස් වර්ධන වේගය අඩු කරන මේ වැරදි කරන්න එපා

කොණ්ඩය ඉබේටම වැඩීමට ලොකු කාලයක් ගත වෙනවා. නමුත් දිගු සහ නිරෝගිමත් කෙස් කලඹක සිහිනය සැබෑ කර ගැනීමට මෙම බලපෑම්කාරී දේ පිළිබඳව ඔයා දැනුවත් විය යුතුයි
Home remedies to get rid of Calluses
   1,045
   368

පාදයේ කැලසස් නොහොත් ඝන ගැටිති නිවසේදීම ඉවත් කරන්නේ කොහොමද?

කැලසස් කියන්නේ ඇතිල්ලීම හෝ ඝර්ෂණය නිසා පාදයේ ඇතිවන ගැටිති වලටයි. මෙය වේදනාකාරී මෙන්ම කකුලට අපහසුවක් සහ අවලස්සනක් ගෙනදෙනවා. ඉතින් කැලසස් ඔබේ පාදයේ හෝ අතේ ඇති නම් නිවසේදීම මේ පිලියම් කර දුරදිග නොයා එය ඉවත් කරගන්න පුලුවන්
How to remove hair dye on your skin
   423
   303

ඔළුවට දාන හෙයාර් ඩයි එක සමේ ගැවුනොත් ඉවත් කරන්නේ මෙහෙමයි

ඔයා නිවසේදී කෙස් කලඹ වර්ණ ගැන්වූවත්, සැලෝන් එකට ගියත් ඒ හෙයාර් ඩයි එක අනිවාර්යයෙන්ම ඔයාගේ නළල, කන්, බෙල්ල හෝ වෙනත් තැනක ගෑවෙනවා. නලලේ, අතේ, කන්වල පැල්ලම් සිටින මේ ගැටලුවට විසඳුම් අද අපි ගෙනාවා

Latest Articles

Most Viwed