නින්දේ දී අඬන බිළිඳෙකු සනසවන්න හා සන්සුන් කරන්න ටිප්ස්

September 9, 2020
8,899
How to calm infants when crying at night
ළදරුවෙක් නිතරම අඬනවා කියන්නේ එම දෙමව්පියන් කනස්සල්ලට පත් කරන කරුණක්. අලුත උපන් බිළිඳුන් දවසේ වැඩි කාලයක් (පැය 16 ත් 18 ත් අතර කාලයක්) නිදා සිටින නිසා, ඔවුන්ගේ නින්දේ රටාවට බාධා ඇති වුණොත් එය දරුවාගේ සෞඛ්‍යයට සහ යහපැවැත්මට බලපානවා. අලුත උපන් බිළිඳෙක් අඬනකොට එයාගේ අභ්‍යන්තරය තවමත් වර්ධනය වී නැති නිසා නින්දේ රටා අක්‍රමවත් වෙන්න පුළුවන්. අද හැඩකාරී අපි ඔයාට කියන්නේ ඔබටත් ඉන්නේ එහෙම දරුවෙක් නම්, එයාව සන්සුන් කිරීමට ගන්න පුලුවන් පියවර ගැන ටිප්ස් කිහිපයක්.

1. ඔයාගේ දරුවාව හොඳින් අල්ලාගෙන ඔවුන්ව ටිකක් එහාට මෙහාට හොලවමින් නළවන්න. මෙමගින් දරුවන්ට සැනසීමක් ගෙනෙන අතර එයා අඬන එක නතර කරයි. 

2. ළදරුවන් විශේෂයෙන් මවකගේ කටහඩ හදුනා ගන්නවා. දරුවාව සන්සුන් කිරීමට පහසුම ක්‍රමයත් මෙයයි. ඔයාගේ දරුවා සන්සුන් වන විදිහට ගීතයක් ගායනා කළාම එයා ඉක්මණින්ම නින්දට වැටෙයි.

3. සමහර විට ඔයාගේ දරුවාගේ කාමරයේ විදුලි පහන් දැල්වෙනකොට දරුවාගේ ඇස් ඒවාට විවෘත වෙන්න පුලුවන්. ඒ නිසා කරන්න පුලුවන් හොඳම දෙය තමයි දරුවා සන්සුන් කිරීම සඳහා නින්දට යන විට අඩු ආලෝකය සහිත විදුලි පහන් දල්වන්න.

4. සමහර විට ස්ථානය වෙනස් කිරීමෙන් එනම් නිදන කාමරයෙන් පිටතට ගෙනයාමෙන් ද දරුවා සන්සුන් වේවි. තමන් ඉන්නේ එකම පරිසරයක නොවන බව දරුවා දැන ගත්තාම එයාට ඒක සැනසීමක් වෙයි. අඬන එක නතර කරයි.

ළදරුවෙකු අඬන්නට හේතුව කුමක් විය හැකිද?

1. වාතය පිරීම
බඩ පිපුම කියන්නේ ළදරුවන්ට ඇති වන අපහසුතාවයට වඩාත් පොදු හේතුවක්. බොහෝ ළදරුවන් ආහාරයට ගැනීමෙන් පස්සේ මේ අපහසුතාවයට පත්වනවා. මව්කිරි වල අඩංගු පෝෂ්‍ය පදාර්ථ ජීර්ණය කිරීමේ ක්‍රියාවලියේදී ස්වභාවිකව සිදුවන අතුරුඵලයක් තමයි බඩට වාතය පිරීම. මෙය මග හරවා ගැනීම සඳහා හොඳම ක්‍රමය ගුඩුස් ඇරීම වන අතර දරුවා පෝෂණය කළාට පස්සේ ගුඩුස් යනකල් වඩාගෙන එයාගේ පිට හිමීට අත ගාන්න.
 
2. ඩයපර් වෙනස් කිරීම
තෙත් වුණ ඩයපර් වලින් දරුවාගේ නින්ද අපහසුතාවයට පත් කරන්න පුලුවන්. ඔයාගේ දරුවාගේ ඩයපර් මාරු කළාට පස්සේ පොඩ්ඩා සුවපහසුවට නිදා ගනියි.

3. නිදිමත හා වෙහෙස
පොඩ්ඩෙකුට කිරි පෝෂණය මෙන්ම නිදා ගැනීමද වැදගත්. ඔබේ දරුවා අධික ලෙස වෙහෙසට පත් වෙලා ඉන්නවා නම් දරුවා නිදා ගැනීමට කැමතියි. දරුවන් ගොඩක් අඬන්නෙත් වෙහෙසට පත් වූණාමයි. මෙම තත්වය තුළ ඔයාගේ දරුවා සනසාලීමට ඇති හොඳම ක්‍රමය තමයි දරුවාට කිරි දී නිදී කරවීම. 

4. කුසගින්න
ආරම්භක මාස 6 තුළ අලුත උපන් බිළිඳෙක්ව නම් රාත්‍රියේදී පවා පෝෂණය කරන්න ඕනේ. එමනිසා නින්දේදී ඇඬීම දරුවා කුසගින්නෙන් පෙළෙන බවත් පෝෂණය කළ යුතු බවත් අඟවන ලකුණක් වෙන්න පුලුවන්. මෙම තත්වය තුළ ඔයාට කරන්න පුලුවන් හොඳම දෙය නම් දරුවා පෝෂණය කර නැවත නින්දට යාමට පෙර ගුඩුස් ඇරීමයි.

5. කම්මැලියි
සමහර විට ළදරුවන් බොහෝ ශබ්ද නගා රාත්‍රියේ අවදි වෙලා තනිවම නින්දට යනවා. නමුත් සමහර අවස්ථාවලදී ඔවුන් කම්මැලියි. මේ අවස්ථාවේ දී, දරුවා නැවත නින්දට යාමට කලින් ඔබ මඳක් දරුවා සමඟ සම්බන්ධ වීම වඩාත් සුදුසුයි.

ඔබට මෙම ලිපිය ප්‍රයෝජනවත් වනු ඇතැයි අපි විශ්වාස කරනවා.

Related Articles

Featured Articles

Trending Articles

අපේ ජනප්‍රියම ලිපි

Weralu benefits
   2,347
   162

වෙරළු වල ගුණ

වෙරළු කොලස්ටරෝල් සඳහා ඉතාම ගුණදායකයි. දිනකට වෙරළු ගෙඩි පහක් අවම වශයෙන් ආහාරයට ගන්නවා නම් හිතකර…
How to keep pregnancy glow like kareena and anushka?
   3,513
   89

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!
How to kill bad bacteria in your mouth
   428
   69

ඔබේ මුඛයේ බැක්ටීරියා විනාශ කර සැහැල්ලුවෙන් හුස්ම ගැනීමට ක්‍රම 6 ක්

ලෝකයේ මිනිසුන්ගෙන් සියයට 35% ත් 45% ත් අතර සංඛ්‍යාවක් ඔවුන්ගේ දිවා කාලයේ මුවින් දුගඳක් වහනය වීම නිසා පීඩා විඳිනවා. මුවින් දුගඳක් වහනය වීම සමඟ සටන් කිරීමට පහසු ක්‍රම 6ක් අද අපි ඔබ වෙතට ගෙන එන්න සුදානම්
Uncomfortable because of body odour?
   6,750
   62

දහදිය දුඟද නිසා ඔයත් හැමදාම අපහසුතාවයට පත් වෙනවද?

අහලා ඇතිනේ දහදිය ගඳ දැනෙන්නේ තමන්ට නෙවෙයි ළඟ ඉන්න අනිත් අයට කියලා. ඒ නිසා අනිත් අය ඉස්සරහා අපහසුතාවයට පත් වෙන්නේ නැතුව මේකට විසඳුමක් හොයා ගමු
Know about Vaginal atrophy
   2,370
   43

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?

Latest Articles

Most Viwed