ආමාශ උණ (Stomach Flue) වැළඳුනොත් ඔබ කළයුතු දේවල්

September 14, 2020
311
Remedies to protect from stomach flue
ආමාශ ආන්ත්‍රයික උණ හෝ Stomach Flue කියන්නේ වෛරස් හෝ බැක්ටීරියා ආසාදනයක්. එහිදී පාචනය සහ වමනය වගේ රෝග ලක්ෂණ පෙන්නුම් කරනවා. මෙම තත්ත්වයෙන් ආමාශ‍ය ආශ්‍රිතව හා බඩවැල්වල දැවිල්ල ඇති කරන අතර එය ආමාශගත උණ ලෙස හදුන්වනවා.

Stomach Flue රෝගය වැළඳෙන්න පුලුවන් වඩාත් පොදු ක්‍රමය තමයි ආසාදිත පුද්ගලයෙකු සමඟ ඍජුවම සම්බන්ධ වීම හෝ අපවිත්‍ර ආහාර / ජලය පරිභෝජනය කිරීම.

නිරෝගී පුද්ගලයන් බොහෝ විට කිසිදු සංකූලතාවයකින් තොරව මෙම තත්වයෙන් සුවය ලබනවා. කොහොම වුණත් ළදරුවන් සහ  වැඩිහිටියන් වැනි දුර්වල ප්‍රතිශක්තිකරණ පද්ධතියක් ඇති අයට ආමාශය ආශ්‍රිත රෝග ජීවිතයට තර්ජනයක් වෙන්න පුළුවන්.

ආමාශය ආශ්‍රිත රෝග ඇතිවීමේ අවදානම තවදුරටත් වැඩි කරන්න පුලුවන් සාධක කිහිපයක් මෙන්න :
* වයස - ළදරුවන්ට සහ වැඩිහිටියන්ට ද ආමාශ ආශ්‍රිත රෝග වැළඳීමේ වැඩි අවදානමක් තියනවා.
* අඛණ්ඩ සෞඛ්‍ය තත්වයක් හේතුවෙන් ප්‍රතිශක්තිය දුර්වල වීම.
* ආසනික්, ඊයම් හෝ රසදිය වැනි බැර ලෝහ වලින් දූෂිත වුණු ජලය පානය කිරීම.
* ආම්ලික ආහාර වැඩියෙන් පරිභෝජනය කිරීම.
* විෂ සහිත, දූෂිත මුහුදු ආහාර අනුභව කිරීම.
* ප්‍රතිජීවක ඖෂධ, ඇන්ටාසිඩ් සහ විරේචක වැනි ඇතැම් ඖෂධ භාවිතය.

Stomach Flue රෝග ලක්ෂණ 
දින කිහිපයක් පුරා පවතින පාචනය, වමනය
මලපහ සමග ලේ යාම
උණ
ඇඟ සීතල කිරීම
අලස බව හෝ ව්‍යාකූල බව
ක්ලාන්ත ගතිය
ඔක්කාරය
කට වියලීම
කඳුළු නො ඒම
පැය 8කට වැඩි කාලයකින් මුත්‍රා නොයෑම හෝ තද පැහැයෙන් වීම
ඇස් ගිලීම
ළදරුවන්ගේ හිසෙහි තෙල් වල ගෙලී තිබීම

ළදරුවන්ට Stomach Flue හැදුනාම ඔවුන්ගේ මලපහ ගැන පමණක් සැලකිළිමත් නොවී, ඔවුන්ට නිතර තිබහ ඇතිවීම, තොල් වියලීම, සම වියලීම වගේ ලක්ෂණ ගැනද සැලකිල්ලෙන් ඉන්න.

Stomach Flue නිසා ඇති වන විජලනය හෙතුවෙන් මෙවැනි සංකූලතා ද ඇති විය හැකියි,
මොළය ඉදිමීම
කෝමා තත්වය
හයිපොවොලමයික් ශොක් (hypovolemic shock) ඇතිවීම
වකුගඩු ක්‍රියා විරහිත වීම

ඔයාට හෝ ඔයාගේ කුඩා දරුවාට Stomach Flue රෝගය ඇති බවට ඔබ සැක කරන්නේ නම්, දෙවරක් නොසිතා වහාම වෛද්‍යවරයකු හමුවන්න.

ප්‍රතිකාර ගන්නා අතරතුර ඔබට රෝගය පාලනය කරන්න, ඉක්මන් සුවය ලබා ගන්න වගේම සහනයක් ලබා ගන්න මේ දේවල් ඔබට උපකාරී වෙයි.

1. ඇපල් සයිඩර් විනාකිරි
ඇපල් සයිඩර් විනාකිරි වල E. coli වැනි ක්ෂුද්‍ර ජීවීන්ට එරෙහිව ක්‍රියාකරන ප්‍රබල ප්‍රති-ක්ෂුද්‍ර ජීවී ගුණ ඇති අතර බැක්ටීරියා ආමාශ ආශ්‍රිත රෝග සුවපත්  කිරීමට උදව් කරයි.
ඔයාට අවශ්‍ය වන්නේ,
ඇපල් සයිඩර් විනාකිරි මේස හැඳි 1 
උණුසුම් ජලය කෝප්ප 1
ඔයා කළ යුතු දේ:
වතුර කෝප්පයට ඇපල් සයිඩර් විනාකිරි එකතු කර පානය කරන්න. ඔයාගේ රෝග ලක්ෂණ වල අඩුවක් දකින තුරු දිනකට වරක් පානය කරන්න පුළුවන්.

2. ප්‍රෝබියොටික් යෝගට්
ප්‍රොබියොටික් යෝගට් මගින් බඩවැල් යථා තත්වයට පත් කළ හැක. මෙය බඩවැලේ ඇති වන දැවිල්ල අඩු කිරීමට උපකාරී වෙනවා. ඉතින් දිනකට එක් වරක් ප්‍රොයිබොටික් යෝගට් කෝප්පයක් ආහාරයට ගන්න. ඔයාට ලැක්ටික් අම්ලයට අසාත්මික නම් මෙම පිළියම අත්හදා බලන්න යන්න එපා.

3. මී පැණි
මී පැණි වල ඇති ප්‍රතිබැක්ටීරීය හා දැවිල්ල සමනය කරන ගුණාංග මගින් ආමාශ ආන්ත්‍රයෙන් සුවය ලැබීම වේගවත් කළ හැකි අතර එහි රෝග ලක්ෂණ වල කාලසීමාව අඩු කරයි.
ඔයාට අවශ්‍ය වන්නේ,
මී පැණි තේ හැඳි 1-2 
වතුර කෝප්ප 1
ඔයා කළ යුතු දේ:
වතුර කෝප්පයකට මී පැණි එක් කර හොඳින් මිශ්‍ර කර පානය කරන්න. ඔයාට මෙය දිනකට 2-3 වතාවක් පානය කරන්න පුළුවන්. අවුරුදු 1 ට අඩු දරුවන්ට මී පැණි ලබා දෙන්න එපා.

4. ඉඟුරු
ඉඟුරු වල ඉදිමුම සහ දැවිල්ල සමනය කරන සහ ප්‍රතිඔක්සිකාරක ගුණ ඇත. ආමාශ ආන්ත්‍රයික ආබාධ සමඟ සම්බන්ධ රෝග ලක්ෂණ අඩු කිරීමට මෙය උපකාරී වෙනවා.
ඔයාට අවශ්‍ය වන්නේ,
පෙති ලෙස කපා ගත් ඉඟුරු කැබැල්ලක් 
වතුර කෝප්පයක්
ඔයා කළ යුතු දේ:
ඉඟුරු පෙති ටික වතුර කෝප්පයකට එක් කර මිනිත්තු කිහිපයක් රත් කරන්න. ඔයාට දිනකට දෙවරක් ඉඟුරු තේ පානය කළ හැක.

5. කුරුඳු
කුරුඳු කියන්නේ දැවිල්ල සමනය කරන, ප්‍රතිඔක්සිකාරක සහ ප්‍රති-ක්ෂුද්‍ර ජීවී ගුණ ඇති බහුකාර්ය ඖෂධයකි. එමනිසා, එය ආමාශ ආන්ත්‍රයික රෝගයට උදව් වන අතර සුවය වේගවත් කරයි.
ඔයාට අවශ්‍ය වන්නේ,
කුරුඳු කැබැල්ලක්
වතුර කෝප්පයක්
මී පැණි (අවශ්‍ය පරිදි)
ඔයා කළ යුතු දේ:
වතුර කෝප්පයකට කුරුඳු කැබැල්ල එක් කර රත් කරන්න. රස ගන්වන්න මී පැණි එකතු කරන්න. ඔයාට මෙය දිනකට 1-2 වතාවක් පානය කළ හැක.

6. ලෙමන්
ලෙමන් කියන්නේ සිට්‍රේට් (citrate) වලින් පොහොසත් ප්‍රභවයන් වන අතර ආමාශ ආන්ත්‍රයේ ප්‍රතිකාර සඳහා භාවිතා කළ හැකිය.
ඔයාට අවශ්‍ය වන්නේ,
ලෙමන්
වතුර වීදුරුවක් 
ඔයා කළ යුතු දේ:
ලෙමන් ගෙඩියක සිට යුෂ වතුර වීදුරුවකට මිරිකා ගන්න. හොඳින් මිශ්‍ර කර යුෂ පානය කරන්න. ඔයා මෙය දිනකට වරක් පානය කරන්න.

Related Articles

Featured Articles

Trending Articles

අපේ ජනප්‍රියම ලිපි

7 hair styles for day-to-day use
   16,676
   687

ඔයාගේ හැඩ වැඩි කරන කොණ්ඩා මෝස්තර 07 ක්

ඔයා දිනපතා ඔෆිස් යන කෙනෙක් නම් එකම විදිහේ කොණ්ඩා විලාසිතාවකට කොටු වෙන්නේ නැතුව එක එක විදිහේ කොණ්ඩා විලාසිතාවක් කරලා බලන්න. ඒක ඔයාට වෙනසක් වගේම ඔයාව දකින අයටත් වෙනසක් වෙයි
Benefits to have a banana and warm water in the morning
   1,067
   251

දවස උණුසුම් වතුර වීදුරුවක් සහ කෙසෙල් ගෙඩියක් සමඟ ආරම්භ කිරීමේ ප්‍රතිලාභ

අදින් පසු සෑම උදෑසනකම උණුසුම් වතුර වීදුරුවක් සමග කෙසෙල් ගෙඩියක් ආහාරයට ගෙන දවස ආරම්භ කිරීමට උත්සාහ කරන්න. එයට හේතුව එමගින් ඔයාගේ ශරීරයට මෙන්න මේ වගේ ධනාත්මක බලපෑමක් ඇති කරන නිසයි..
At last love come in another form - Story
   239
   177

අවසානයේදී ආදරය වෙනත් ආකාරයකින් නැවත ඔබ වෙතට පැමිණෙනවා-Story

ඔහු ඒ පුංචි ගැහැණු ළමයාට කියනවා පහුවෙදාට උද්‍යානයට ආවම නැවතත් ඔහුව හමු වෙන්න කියලා. කිව්ව විදිහටම ගැහැණු ළමයා ඊට පහුවදා ඔහුව හමු වෙන්න ඇවිල්ලා හිටියා…. cont..
Changes in a girl when she starts to live solo
   7,304
   160

ගැහැණු ළමයෙක් ඇගේ තනිකඩ ජීවිතය භුක්ති විඳින්න පටන් ගත්තාම වෙන දේවල්

නොගැලපෙන ආදරයකින් හෙම්බත්වී ඔබ ඔබවම තෝරා ගන්න දිනයක් එනවා. තනිකඩව සිටීමෙන් සතුටක් ලැබීමට පටන් ගත්තාට පස්සේ බොහෝ ගැහැනු ළමයින්ට දැනෙන ආකාරය ගැන අද අපි ඔබට කියන්නම්...
5 beauty secrets Kareena Kapoor shared
   879
   119

කරීනා කපූර්ගේ තරුණ පෙනුම ගැන ඇය කියූ රූපලාවන්‍ය රහස් 5 ක් මේ

කරීනාගේ සම ලස්සනට තියා ගන්න මේ උපක්‍රම ලොකු බලපෑමක් ඇති කරනවාලු. අපි දැන් බලමු ඒ රූපලාවණ්‍ය රහස් මොනවද කියලා. මොකද අපිත් ආසයිනේ ලස්සනට හැඩට ඉන්න...

Latest Articles

Most Viwed