විලුඹ පැලෙනවට මොකද කරන්නේ?

කාන්තාවන්ට තියෙන ලොකු ගටලුවක් තමයි විලුඹ පැලෙන එක. කොට සායක් ඇඳලා ලස්සන සපත්තු දෙකක් දාලා අපිට කැමති විදිහට ලස්සන වෙන්න හරිම අමාරුයි මේ විදිහට විලුඹ පැලිලා තියෙනකොට. පරිසර සාධක වගේම අපි ශරීර අභ්‍යන්තර සාධකත් බලපානවා මේ විදිහට විලුඹ පැලෙන්න. හැමවෙලේම හොඳින් වතුර බොන්න ඕනේ කොහොමත් මුළු සමම නිරෝගිව තියාගන්න. ඒ එක්කම පැලිලා තියෙන විලුඹට ගෙදර ඉඳන්ම කරන්න පුළුවන් ප්‍රතිකාරයක් ඔන්න අපි අද කියලා දෙනවා.

අවශ්‍ය ද්‍රව්‍ය

ලිස්ටරින් කෝප්ප කාලක්
විනාකිරි කෝප්ප කාලක්
උණු වතුර කෝප්ප භාගයක්

මේ සියල්ල හොඳින් මිශ්‍ර කරලා, මේ මිශ්‍රණයේ කකුල් දෙක දාගෙන ඉන්න විනාඩි 10-15ත් අතර කාලයක්.

ඊට පස්සේ වතුර ගතිය රෙදි කැබැල්ලකින් පිහිදන්න. විලුඹ අවට පැලෙන්නේ මැරුණු සම රැඳිලා තියෙන නිසානේ. විලුඹ අවට මැරුන සම ටිකෙන් ටික ඉවත් වේවි. මේ විදිහට සතියට තුන් වතාවක් මාස තුනක් විතර කරන්න. ඔබ දන්නෙම නැතිව විලුඹේ සම සිනිදු වෙලා තියේවි.

ඔබට තවදුරත් කකුල් පෙන්න අඳින එක ලැජ්ජාවට කාරණාවක් නොවේවි.