ඉස්හොරි කරදරෙන් නිදහස් වෙන්න නම් මේ දේවල් ගැන දැනගන්නම වෙනවා

November 14, 2017
2,272
You should know these to get rid of dandruff
ඉස්හොරි කියන්නේ ගැහැණු පිරිමි කියලා භේදයක් නැතුව හැමෝටම ප්‍රශ්නයක් වෙලා තියෙන දෙයක්. ඒ වගේම කරදරයක්. විශේෂයෙන් අඳුරු පැහැති ඇඳුම් ඇඟලා සිටින අවස්ථාවක ඒ මත ගැලවී ගිය සම සුදු පැහැ පොතු කැබලි වශයෙන් දිස්වීම, හිසේ ඇති වෙන කැසීම වගේ දේවල් නිසා ඔයා අපහසුතාවයට පත් වෙනවා. ඒ නිසාම විවිධ සත්කාර කරන්න, ෂැම්පු වර්ග භාවිත කරන්න, වෛද්‍ය උපදෙස් වලට පවා යොමු වෙනවා.

මේ ප්‍රශ්නෙන් මිදෙන්න ගොඩාක් උත්සාහ කරත් ප්‍රතිඵලයක් නැති අයට මේ ලිපිය ගොඩාක් වැදගත් වෙයි. ඉස්හොරි ඇති වෙන්නේ ඇයි? ඉස්හොරිවලින් තොර කෙස් කලඹක් ලබා ගන්නේ කොහොමද? වගේ ප්‍රශ්න වලට උත්තර හොයා ගන්න මේ ලිපිය කියවලාම ඉන්න.

අපේ හිසේ සම මතුපිට ඇති සෛල ස්ථරය නිතර නිතර ගැලවී යාම ස්වභාවිකව සිදුවන දෙයක්. ඒ හැරුණහම හිරු එළියට නිතරම හිස නිරාවරණය වීම නිසා ඉක්මනින් හිසේ සම වියලෙනවා. එසේ වියලෙන සම පොතු, කැබලි ලෙස ගැලවී ඉවත් වෙනවා. මෙසේ ගැලවී යන මැරුණු සම හිසකෙස් අතර රැ‍ඳෙන්නට ගන්නවා. මෙන්න මේ තත්වය තමයි අපි ඉස්හොරි කියලා හඳුන්වන්නේ. බොහෝ දෙනෙක් ඉස්හොරි චර්ම රෝගයක් ලෙස සැක කළත් එය චර්ම රෝගයක් නෙවෙයි. ඒ වගේ ම අස්වාභාවික තත්ත්වයක් ද නෙවෙයි.

කෙනෙකුගේ හිසෙහි තෙල් නිපදවීම වේගවත් නම් ඉස්හොරි හිස් කබල මතම තට්ටුවක් ලෙස රැඳී තිබෙන්නට පුළුවන්. එවැනි තත්ත්වයක් ඇති අයගේ නිතර නිතර හිස කැසීම මෙන් ම ඇතැම් අයගේ නම් දුර්ගන්ධයක් ද වහනය විය හැකිය. දිනපතා ස්නානය මඟින් දුහුවිලි කුණු සෝදා හිස පිරිසිදු තබා ගැනීමෙන් ඒ තත්ත්වය මඟ හරවා ගන්න පුළුවන්. 

හැබැයි දිනපතා ස්නානයය කරත් නිතර නිතර ෂැම්පු වර්ග හෝ සබන් දමා තදින් හිස ඇතිල්ලීමෙන් ඉස්හොරි ඉවත්වනවා වෙනුවට තව තව ප්‍රශ්න ඇති විය හැකියි. මෘදු සබන් වර්ගයක් හෝ ෂැම්පු වර්ගයක් දවසක් හැර දවසක් භාවිත කිරීම ප්‍රමාණවත්. ඉස්හොරි සියල්ල ඉවත් කිරීමේ අරමුණින් හිස තදින් අතුල්ලන්න යන්නත් එපා. එහෙම වුණොත් හිස මතුපිට සම තුවාල වෙන්න පුළුවන්.

ඉස්හොරි සඳහා විශේෂිත ෂැම්පු වර්ග තිබෙනවා. එම ෂැම්පු භාවිත කළ යුතු වන්නේ සතියකට දින දෙකක් හෝ තුනක් පමණයි. නිතර භාවිතය මඟින් හිසේ සම වියලෙන්නට එය බලපාන්න පුළුවන්. ෂැම්පු වර්ගයක් භාවිතා කරද්දී හිතුමනාපෙට ගිහින් අරගෙන එන්නේ නැතුව තමන්ට ගැළපෙන ෂැම්පු වර්ගය තෝරා ගැනීම සඳහා වෛද්‍ය උපදෙස් ලබා ගැනීම වඩාත් සුදුසුයි. 

ඇතැම් විට නොයෙකුත් දිලිර ආසාදන නිසා ඉස්හොරි හා සමානම චර්ම රෝග ඇති වෙන්න පුළුවන්. ඒ නිසා වෛද්‍ය උපදෙස් ලබා ගැනීම තුලින් ඒ පිළිබඳව නිවැරදි නිගමනයකට එන්න පුළුවන් සහ නිවැරදි ප්‍රතිකාර මඟින් තත්ත්වය අවම කර ගන්න පුළුවන්. 

මෙම කරදරකාරී ඉස්හොරි වලින් මිදෙන්න අපිට පහසුවෙන්ම කරන්න පුළුවන් දෙයක් තමයි  ප්‍රමාණවත් තරම් ජලය පානය කිරීම. ශරීරයේ තෙතමනය නැති වී යාම නිසා සිරුර වියලෙන්න ගන්නවා. දිනපතා ශරීරයට අවශ්‍ය ජල අවශ්‍යතාව සපුරන්නේ නැති අයට ඉස්හොරි සෑදීමේ වැඩි ප්‍රවණතාවක් තිබෙනවා. 

විශේෂයෙන් උණුසුම් දිනවල ප්‍රමාණවත් තරම් ජලය නොලැබීම නිසා සම ඉරි තැළුණු ස්වභාවයක් ගන්නට පුළුවන්. මේ තත්ත්වය හිසෙහි සමටත් බලපානවා. එය ඉස්හොරි සෑදීම වේගවත් කරනවා. ඒ නිසා වැඩිපුර වතුර බොන එක මේ තත්වය මඟ හරවන්න වගේම ඔයාගේ ශරීර සෞඛ්‍යටත් හිතකර ලෙස බලපානවා.

Related Articles

Featured Articles

Trending Articles

අපේ ජනප්‍රියම ලිපි

A golden relief for the new year
   459
   60

අලුත් අවුරුද්දට අතේ මිටේ අග හිඟකම් නැති කරන රත්තරන් සහනයක්

අපි හැමෝගෙම ජීවිත වලට ප්‍රශ්න එන්නේ කලින් දැනුම් දීලා නෙවෙයිනේ. කාන්තාවෝ විදිහට අපි හැමෝම අසාවෙන් පරිස්සම් කරන රත්තරන් අපි නොහිතන අවස්ථාවන් වලදී ජීවිතේට අපිට අවශ්‍යම වෙන සහනයක් ලබා දෙන්නේ හදිසියේම ඇතිවෙන මුදල් අග හිඟකම් වලදී
Christmas Cake Recipe
   1,475
   42

නත්තල් කේක් - Recipe

නත්තල් කාලයට ගෙදරක අනිවාර්යයෙන්ම හදන නත්තල් කේක් අද හැඩකාරී අපි ඔයාට පහසුවෙන් හදාගන්න විදිහක් කියලා දෙනවා
Symptoms to say you are pregnant
   9,115
   37

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Mince Pies Recipe
   901
   33

මින්ස් පායිස් - Recipe

අපි අද කියල දෙන්නේ හරිම ලේසි විදිහට මින්ස් පායි හදන විදිහක්

Latest Articles

Most Viwed