ළමා තරබාරුව දරුවන්ගේ ජිවිත අවදානමක හෙලන්න මුල් වෙලා

March 23, 2018
920
Obesity threats children's life
තරබාරු බව කිව්වම අපිට මතක් වෙන්නේ මේක ගොඩක් දුරට වැඩිහිටි අයට ගැටළුවක් වෙලා තියෙන තත්ත්වයක් විදියටනේ. නමුත් ඒ තත්ත්වය දැන් වෙනස් වෙලා. තරබාරු බව තව දුරටත්ව වැඩිහිටියන්ට පමණක් සිමා වුනු ගැටළුවක් නෙවෙයි. අද වෙද්දී කුඩා දරුවන්ට පවා තරබාරු වීමේ ගැටලුවට මුහුණ දෙන්න වෙලා. ඒ කියන්නේ ළමා තරබාරුව එහෙමත් නැත්තන් Childhood Obesity නිසා අද වෙද්දී බොහොමයක් දරුවන්ගේ ජිවිත අවදානමට ලක් වෙලා. එය ඉතා භයානක තත්ත්වයක් වගේම දරුවන්ගේ අනාගතම අඳුරේ හෙලන්න සමත් වන්නක්.

මෙහෙම වෙන්න හේතුව මොකද්ද? මේ වගේ තත්ත්වයකින් ඔබේ දරුවාට ඇති වන අවදානම මොන වගේද? වගේම ඒ වගේ අවාසනාවන්ත තත්ත්වයකින් දරුවාගේ ජීවිතය ආරක්ෂා කර ගන්නේ කොහොමද කියලා කියන එක හැම අම්මා කෙනෙක්ටම වැදගත් වෙයි කියලා හිතුවා.

දරුවාගේ වයසට අනුව පැවතිය යුතු බරක් තියෙනවා. කුඩා කාලෙදිත් දරුවාගේ බර කිරලා බලන්නේ එකනේ. ඉතින් ඒ විදියට වයසට සරිලන බර පවත්වා ගන්න එක දරුවා වයසින් වැඩෙද්දීත් නිවැරදිව පවත්වා ගන්න එක ඉතාම වැදගත්. හැබැයි ඉතින් මේක තියෙන්නේ මවුපියන්ගේ අතේ. මොකද දරුවාගේ ආහාර රටාව, ජිවන රටාව හැඩ ගස්වන්නේ අම්මා තාත්තා නේ.

කොහොම හරි දරුවාගේ වයසට හා උසට සාපේක්ෂව බර නිසි ලෙස පවත්වා ගන්නවා නම් මේ ගැටලුව ඇති වෙන්නේ නැහැ. දරුවන් ක්‍රියාශීලි බවින් අඩු වීම මෙවැනි තත්ත්වයක් ඇති වෙන්න එක හේතුවක් වෙනවා. අද වෙද්දී දරුවන්ගේ දවස ගෙවෙන්නේ කොහොමද කියලා ඔබ ටිකක් හිතලා බලන්න. මුළු දවසෙම ගෙවෙන්නේ පොත් පත් එක්ක. උදේට ඉස්කෝලේ යනවා. හවසට ටියුෂන්, ඒක ඉවර වෙලා සමහර විට තවත් ටියුෂන් එකක්. ඉතින් කොහෙද දරුවන්ට සෙල්ලම් කරන්න වත් වෙලාවක්?

ළමා තරබාරුව ඇති වෙන්න ප්‍රධානම හේතුව තමයි දරුවන්ගේ ආහාර රටාව. ශරීරයට අවශ්‍ය කැලරි ප්‍රමාණයට වඩා වැඩි කැලරි ප්‍රමාණයක් ශරීරගත ගත වීම නිසා අනවශ්‍ය කැලරි සිරුරේ විවිධ ස්ථාන වල තැම්පත් වෙනවා. ක්‍රියාකාරීත්වයට අදාල තරමට දේහයට අවශ්‍ය ප්‍රමාණයට වඩා කෑම බිම, විශේෂයෙන් තෙල් සහ සීනි, පිෂ්ටය අධික කෑම බීම ගැනීම තමයි මූලිකම හේතුව, හැබැයි ඉත්න් සමහර දරුවන්ට මෙහිදී ජානමය ඒ කියන්නේ මවගෙන් හෝ පියාගෙන් ලැබෙන පරම්පාරානුගත ලක්ෂණත් හේතුවක් වෙනවා. නමුත් ඊටත් වඩා බලපෑමක් කරන්න මේ කිව්වා ආහාර පාන රටාවට පුළුවන්. මේ විදියට අනවශ්‍ය කැලරි දහනය කරන්නත් දරුවන් ක්‍රියාශීලි වෙන්නේ නැහැ. ඉතින් මේ නිසා ඉතා පහසුවෙන් දරුවන් ළමා තරබාරුවට පත් වෙනවා.

ගොඩාක් වෙලාවට මවුපියන් කාර්යබහුල වීමත් එක්ක දරුවන්ට ක්ෂණික ආහාර දෙන්න පෙළඹෙනවා. විශේෂයෙන් රජෙක් වගේ කන්න ඕන කියන උදෑසන ආහාරය ගොඩක් දරුවන් ගන්නේ පිටතින්. එකත් පිටි, තෙල් හෝ සිනි බහුල ආහාර. එත් ඔබ කරන්නේ ඉතාමත් වැරදි වැඩක් කියලා තේරෙන්නේ මේ වගේ අවදානමකට දරුවන්ව පත් වුනාට පස්සේ.

අධික තරබාරුව නිසා අඩු වයසින්ම දරුවන්ට අධිරුධිර පීඩනය, හෘදයාබාධ පමණක් නොවෙයි දියවැඩියාව වගේ තත්ත්වයනුත් ඇති වෙන්න පුළුවන්. ඒ විතරක් නවෙයි දරුවන්ට එදිනෙදා වැඩ කටයුතු කර ගන්නට යාමේදීත් විවිධ අපහසුතාවයන්ට පත් වෙන්න සිදුවෙනවා. ටිකක් වේගෙන් ඇවිදින්න, දුවන්න, සෙල්ලම් කරන්න පවා අපහසු වෙනවා. ඒ විතරක් නෙවෙයි අනිත් දරුවන්ගේ උසුළු විසුළු වලට ලක් වෙන්න පුළුවන්, ලැජ්ජාවට, කොන් කිරීම් වලට ලක් වෙන්න පුළුවන්. මේ තත්ත්වයන් දරුවාගේ කායික සෞඛ්‍ය මෙන්ම මානසික සෞඛ්‍යයත් පිරිහෙන්නත් හේතුවක් වෙනවා.

මෙන්න මේ නිසා ඔබත් අනිවාර්යෙන් දරුවාගේ ආහාර රටාව හා ජිවන රටාව ගැන වැඩි සැලකිල්ලක් දැක්විය යුතුයි. ඔබේ දරුවාගේ උස සහ බර පිළිබද විමසිලිමත් වන්න. දරුවාගේ ආහාරයේදී එළවලු හෝ කෙදි සහිත ආහාර, අලුත් මාලු, පලා වර්ග, ධාන්‍ය වැනි දෑ සහිත ආහාර වේලක් දෙන්න. විශේෂයෙන් පාසල් යාමට පෙර දරුවාට ගෙදර පිසූ ආහාරයක් ලබා දෙන්න. බත් නම් වඩා හොඳයි. අනිවාර්යෙන් උදෑසන ආහාරය ගැනීමට හුරු කරවන්න, ක්ෂණික ආහාරයෙන් හැකි තරම් දරුවා ඈත් කරන්න. පාසල් කාලයෙන් පසුව හෝ දරුවාට කය වෙහෙසන ක්‍රියාකාරකම් සඳහා අවශ්‍ය නිදහස දෙන්න.

Related Articles

Featured Articles

Trending Articles

අපේ ජනප්‍රියම ලිපි

A real lover has these qualities
   1,894
   1,600

නියම ආදරේ තියෙන්නේ මෙන්න මේ වගේ සහකරුවෙක් ළඟයි. බලන්න එයත් මේ වගේද කියලා

හැබැයි මේ කියන්නේ ඈත් වෙන්න හේතු නෙවෙයි. ඔයාල දෙන්නට තව ලං වෙන්න හේතු වෙන දේවල්. බලන්න මේ කියන දේවල් එයා ළඟත් තියෙනවද කියලා. එහෙනම් එයා තමයි ඔයාට සුදුසුම කෙනා
Do you eat to fill your tummy or heart?
   791
   696

ඔයා කෑම කන්නේ බඩ පිරෙන්න ද? හිත පිරෙන්නද?

අපි කෑම කන්නේ බඩ පුරවා ගන්න විතරයි. ඒත් අපි ගන්න ආහාර කුසගින්න වගේම පෝෂණ අවශ්‍යතාවන් සියල්ලක්මත් සම්පූර්ණ විය යුතුමයි. ආහාර වේලෙහි පෝෂණය
Are you busy? Here are some tips to keep your beauty
   665
   581

ඔයත් busy ද? එහෙම අයට රුව රැක ගන්න තියෙන ලේසිම විදිය

busy වුනු අයට විශේෂයන් තරුණ තරුණියන්ට කාර්යබහුල ජිවිතේ අතරේ තමන්ගේ සුන්දරත්වය රැක ගන්න ලේසිම ලේසි tips ටිකක් තමයි මේ කියන්නේ
Beauty tips with coconut oil
   1,174
   422

පොල් තෙල් වලින් හිතන්න වත් බැරි මේ දේවල් කරන්න පුළුවන්

ආහාර පිසිමට අමතරව සුදු පොල්තෙල් වලින් කරන්න පුලුවන් දේවල් ගොඩයි
Why this food is so good for many diseases?
   222
   202

ලෙඩ රෝග ගනනාවකටම සුවය දෙන මේ අහාරය මෙච්චරම හොඳ ඇයි?

බඩවැල් තුවාල වෙන තරමට ගැස්ට්‍රයිටීස් වැඩි වුන අයට වගේම තවත් ලෙඩ රෝග රාශියකට සුවය දෙන්න පුළුවන් ආහාරයක් තමයි කෙසෙල් කියන්නේ

Latest Articles

Most Viwed