ඔබ දකින සිහින වලින් හෙළිවෙන රහස්

February 23, 2017
14,021
The 8 Most Common Dreams Decoded
අපි නිදාගෙන ඉන්නකොට වගේම ඇහැරිලා ඉන්නකොටත් සිහින දකිනවා. මේ කියන්නේ නම් ඔබ නිදාගෙන ඉන්නකොට දකින සිහින වලින් කියවෙන ඔබේ ජීවිතය ගැනයි. අපි හොද සිහින වගේම නරක සිහිනත් දකිනවා. සිහින පලාපල ගැන හිතන අය නම් ටිකක් උනන්දුයි මේ දකින සිහින වල අර්ථයන් දැන ගන්න.

සාමාන්යෙන් සිහින ජිවිතයේ තියන යම් යම් ප්‍රබලතා වගේම දුබලතා ගැනත් අපට සංඥා නිකුත් කරනවා. මේ නිසා ඕනෙම කෙනෙක් තමන් දකින සිහින ගැන ටිකක් අවදානය යොමු කරාට පාඩුවක් නම් වෙන්නේ නෑ. නමුත් හැමෝටම තියන ප්‍රශ්නයක් තමයි කොහොමද මේ සිහින වලින් කියවෙන දේවල් හරියටම දැන ගන්නේ කියන එක. අපි සිහින විස්ලේෂණය කිරීමේදී සිහිනයෙන් කියවුන සෑම වැදගත් දෙයක් පිළිබදවම අවදානය යොමුකිරීම වැදගත්. බොහෝ වෙලාවට සිහින මගින් පිලිබිබු වන්නේ අපේ චිත්තවේග, හැගීම්, බිය, විශ්වාස, සිතුවිලි වගේම කැමති අකමැති දේවල් පිළිබදවයි.

අද අපි ඔබට කියනේ අප නිතරම දකින පොදු සිහින 8 කින් කියවෙන ඔබේ ජිවිතයේ කාරණාවන් සම්බන්දවයි.

1. සිහිනෙන් ඔබේ දත් වැටෙනවා දුටුවහොත්

මේක නම් ඔබ දකින්න එච්චර කැමති සිහිනයක් නෙවෙයි. නමුත් මෙයින් ඔබේ චරිතය ගැන බොහෝ දේවල් කියවෙනවා. ඔබ ඔබේ පෙනුම ගැන වැඩිපුර සිතන කෙනෙක්. මේ නිසා ඔබ පසුවන්නේ කාංසාමය තත්වයකින්. ඔබ සිතනවා ඔබේ පෙනුම නිසා ඔබ අන් අයගෙන් ප්‍රතික්ෂේප වේවි කියා. මේ නිසා ඔබ නිතරම පසු වන්නේ අන් අයගේ අදහස් ගැන බියකින්. මේ මානසික පීඩන තත්වය නිසා තමයි ඔබට මෙවැනි සිහින පෙනෙන්නේ.

2. යම් භයානක් දෙයක් ඔබව ලුහුබැදගෙන එනවා පෙනීම

මෙවැනි සිහින ඔබට පෙනෙනවානම් ඉන් අදහස් වන්නේ ඔබ යම් බරපතල ප්‍රශ්නයකට මැදිව පීඩනයකට ලක්ව සිටින බවයි. මේ නිසා ඔබට නිතරම සිතෙන්නේ මේ ප්‍රශ්නයෙන් ගැලවිලා නිදහස් වෙන්න. මේ වගේ අවස්ථාවලදී තමයි මෙවැනි සිහින සාමාන්යෙන් පෙනෙන්නේ. එයින් පෙන්නුම් කරන්නේ ඔබට එම ගැටලුවෙන් නිදහස් වීමට ඇති තදබල අවශ්‍යතාවයයි.

3. පිරිසක් අතර ඔබ නිරුවත්ව සිටිනවා දැකීම

මෙය නම් ටිකක් අමුතු සිහිනයක් හරියට cartoon එකක විහිළුවක් වගේ. නමුත් මෙය ඔබ සතු ප්‍රබල පෞර්ෂ දුබලතාවයක් පිලිබදව ඔබට අනතුරු අගවනවා. මේ වගේ සිහින පෙනෙන අය සමාජය තුල අන් අය සමග කටයුතු කරන්න බියක් දක්වනවා. මොකද ඔවුන්ට ඔවුන් පිළිබදවම විස්වාසයක් නෑ. ඔවුන් බිය වෙනවා ඔවුන්ගේ දුර්වලතා අනිත් අය දැනගනීවි කියලා. මේ නිසා ඔවුන් නිතරම ඉන්නේ බියකින් මේ නිසයි මොවුන්ට මේ වගේ සිහින පෙනෙන්නේ.

4. වැසිකිලියක් සොයාගන්න බැරිව ඔබ කලබලෙන් සිටිනවා දැකීම

ඔබට වැසිකිලියකට යෑමට අවශ්‍ය උවත් ඔබට වැසිකිලියක් සොයා ගැනීමට නොහැකිව සිටිනවා ඔබ දුටුවහොත්. මෙයින් අදහස් වෙන්නේ ඔබ ඔබේ අවශ්‍යතාවයන් ප්‍රකාශ කරන්න වගේම ඒවා ඉටු කර ගන්නත් නොහැකිව පිඩාවට පත්ව සිටින බවයි. මෙවැනි පුද්ගලයන් නිතරම ඔවුන්ගේ අවශ්‍යතාවයන් පසෙකලා අනිත් අයගේ අවශ්‍යතාවයන් ඉටුකර දෙන්න වෙහෙසෙනවා. මේ නිසා ඔවුන්ට ඔවුන්ගේ අවශ්‍යතාවයන් ඉටු කර ගැනීමට අවස්ථාවක් හෝ වෙලාවක් නැතිව යනවා. මේ නිසා ඔවුන් සිටින්නේ යම් ආකාරයක පිඩනයකින්. මේ වගේ අවස්ථාවල තමයි මේ වගේ සිහින ඔවුන්ට පෙනෙන්නේ.

5. පරීක්ෂණයකින් අසමත් වෙනවා දැකීම

සාමාන්‍ය ජීවිතයේදී අපි හැමෝම සාමාන්යෙන් පරීක්ෂණ වලින් අසමත් වෙලා තියනවා. නමුත් සිහින ලෝක වලදී ඔබ යම් විභාහගයකින් අසමත් වෙනවා දැකීම ඔබට ඔබේ ජීවිතය ගැන වැඩිපුර අවදානයක් යොමු කල යුතු බවට අනතුරු අගවනවා. මේ සිහිනයෙන් කියවෙන සැබෑම අර්ථය වන්නේ ඔබට ප්‍රමාණවත් තරම් ආත්ම ශක්තියක් නැති බවයි. මේ නිසා යම් යම් දේවල් කරන්න ඔබ උත්සහ කරන විට ඔබේ හිතේ ඇති වන බිය නිසා කලබල වෙනවා වගේම ඔබ අනවශ්‍ය ශක්තියක් ඒ වෙනුවෙන් වැය කරනවා. මේ නිසා ඔබ නිතරම සිටින්නේ සෑම දෙයක් පිළිබදවම අවිස්වාසයකින්.

6. ඔබ සිහිනයෙන් ඇද වැටෙනවා දැකීම

මෙවැනි සිහින වලින් අදහස් වන්නේ ඔබ යම් දෙයක් පිලිබදව අවිස්වාසයෙන් සහ පසුතැවිමකින් සිටින බවයි. ඔබේ සිතේ ඇති අවිස්වාසය ප්‍රධානවම මේ සිහිනය මගින් පිලිබිබු කරනවා. නමුත් ඔබ ඒ ඇද වැටුන අවස්ථාවේ සිටියේ ප්‍රීතියෙන් නම් එයින් අදහස් වන්නේ ඔබ ජිවිතයේ ප්‍රශ්න වලට මුහුණ දෙමින් ඉදිරියට යෑමට කැමති අයෙක් බවයි.

7. ඔබ මෝටර් රථයක් පදවාගෙන යනවා දුටුවහොත්

මේ සිහිනයෙන් කියවෙන්නේ ඔබ ජිවිතයට සාර්ථකව මුහුණ දෙමින් ඉතා සතුටින් කාලය ගත කරන බවයි. නමුත් ඔබ ඉදිරියේ මෝටර් රථයක් තිබුනත් ඔබ එය පදවාගෙන නොයා සිටිනවානම් එයින් අදහස් වන්නේ ඔබ ජිවිතයේ පවතින තත්වය පිලිබදව කිසිදු සතුටකින් පසු නොවන බවයි. එසේම ඔබ ප්‍රශ්න ඉදිරියේ ඒවා මග හරිමින් කාලය ගත කිරීමට කැමති අයෙක්.

8. ඔබ ලිංගික සබදතාවයක් පවත්වනවා දැකීම

ඔබ එම අවස්ථාවේ බියවී කිසිදු හැගීමකින් තොරව සිටියේ නම් එයින් අදහස් වන්නේ ඔබ ඔබ පිලිබදව ඔබේ පෙනුම පිලිබදව කිසිදු සතුටකින් පසු නොවන බවයි. ඒ වගේම ඔබ සිටින්නේ ඔබේ සහකරුවා ගැන හොද පැහැදීමකින් නොවෙයි. නමුත් ඔබ ඒ වෙලාවේ සිටියේ සතුටින් නම් ඔබ ඔබේ සහකරුවා ගැන ඉන්නේ හොද පැහැදීමකින්.

Related Articles

Featured Articles

Trending Articles

අපේ ජනප්‍රියම ලිපි

Nasi Goreng Recipe
   2,266
   1,978

නාසි ගුරන් - Recipe

ඉන්දුනීසියන් ෆ්‍රයිඩ් රයිස් නැත්තම් නාසි ගුරන් ගෙදර හදමු
How to reduce dark circles?
   915
   777

ඇස් යට කළු වීම අවම කර ගන්නේ කොහොමද?

මුහුණ කොතරම් පැහැපත්ව තබා ගත්තත් ඇස් යට අවපැහැ ගැන්වී තිබීමෙන් එය වඩාත් හොදින් කැපි පෙනෙනවා විතරක් නෙමෙයි මුහුණේ සුන්දරත්වයටත් එය බලපානවා. අද අපි ඔයාට කියලා දෙන්නේ ඇස් යට කළු වීම අවම කර ගන්න පුළුවන් ක්‍රම කිහිපයක් ගැන
Did you know these points about the first date?
   754
   312

ඔයාගේ පෙම්වතා, පෙම්වතිය හමුවන පළමු දිනයේ දී කළ යුතු දේවල් ගැන දැනන් හිටියද?

විශේෂයෙන්ම නව යොවුන් වියේ පසුවන ඔයා දවසක පෙම්වතා, පෙම්වතිය හමුවන පළමු දිනයේ අපි කියන මේ කරුණු කිහිපය ඔයා අනුගමනය කරලා බලන්නකෝ.
Are you aware of the infections while you are pregnant?
   221
   188

ඔබත් දරුවාත් අනතුරේ හෙලන මේ ආසාත්මිකතා වලක්වා ගන්න

කාන්තාවකට ගර්භණී සමයේදී ආසාදන තත්ත්වයන් ඇතිවීමේ වැඩි ප්‍රවණතාවක් තිබෙනවා. ගර්භණී අවධිය තුළ ඖෂධ ප්‍රතිකාර ලබා ගැනීම විවිධ හේතුන් මත සීමා වන බැවින් අසාදන තත්ත්වයක් ඇති වීමට පූර්වයෙන් දැනුවත්ව සිටීම ඉතා වැදගත්

Latest Articles

Most Viwed