ඉන්ෆ්ලුවෙන්සා රෝගයේ වැඩිම අවදානම ගර්භනී මව්වරුන්ට

May 23, 2018
1,110
Pregnant women have the highest risk in influenza
ඉන්ෆ්ලුවෙන්සා කියන්නේ වරින් වර අපි අතරේ පැතිරී යන වෛරස් රෝගයක්. ස්වසන පද්ධතිය ආශ්‍රිතව ඇතිවන රෝගී තත්ත්වයක් විදියට තමයි ඉන්ෆ්ලුවෙන්සා රෝගය හඳුන්වන්නේ. ගර්භනී කාන්තාවන්, ළදරුවන් හා වයස්ගත වූ අය මෙම රෝගයට ගොදුරු වුණොත් අනිත් අයට සාපේක්ෂව තරමක් අසාධ්‍ය තත්ත්වයට පත්වෙන බව තමයි වෛද්‍යවරුන්ගේ අදහස වෙන්නේ. ඒ නිසා කෝකටත් හොඳයිනේ වැළඳෙන කලින් පරිස්සම් වෙලා ඉන්න එක. විශේෂයෙන් ගර්භනී මවක් වුනු ඔබ මේ වෙනුවෙන් කරන්න ඕන මොනවද කියලා කියවලම බලන්නකෝ.

ඉන්ෆ්ලුවෙන්සා රෝගය රෝග ලක්ෂණ ගැන හඳුනාගෙන ඉන්න එක කෝකටත් හොඳයි නේ. මෙන්න මේ ලක්ෂණ ඉන්ෆ්ලුවෙන්සා රෝගය තුල දකින්න පුළුවන් .

උණ
හිසරදය
කැස්ස
නාසයෙන් සොටු දියර ගැලීම
ඇඟපත වේදනාව
මස්පිඬු වේදනාව
ශරීරයේ අප්‍රාණිකත්වය
උගුරේ කැක්කුම
වමනය
පාචනය

මෙවැනි රෝග ලක්ෂණ එකක් දෙකක් හෝ කිහිපයක් ඇති වුනොත් අනිවාර්යෙන් සැලකිලිමත් විය යුතුයි. ගර්භනී සමය පහු කරන කාන්තාවක් නම් අනිවාර්යයෙන් මේ රෝග ලක්ෂණ ගැන වැඩි අවධානයක් දෙන එක ඔබට ඉතාමත් වැදගත්.

ඒ වගේම තමයි අන් දිනවලට වඩා සිරුරේ ප්‍රතිශක්තිකරණ අඩුවන නිසා හෝමෝන ප්‍රතිශතය වෙනස් වෙනවා. ඒ නිසා ගර්භණී මව්වරුන් බොහොම පහසුවෙන් මෙම රෝගයට ගොදුරු වෙන්න පුළුවන්. කුස තුල වැඩෙන දරුවා තනිවම හුස්ම ගන්නේ නැහැ. දරුවාට හුස්ම ගන්න අවශ්‍ය ඔක්සිජන් සැපයෙන්නේ මවගේ ස්වසන පද්ධතියෙන් නිසා මේ රෝගයට ගොදුරු නොවී සිටීමට මව හැකිතාක් උත්සාහ කළ යුතුයි.

ගර්භණී මවකට හුස්ම ගැනීමේ අපහසුතා ආදිය ඇති වෙන එක සාමාන්‍ය දෙයක්. ඒ නිසා ගොඩක් වෙලාවට ඒක රෝගී තත්ත්වයක් විදියට සලකන්නේ නැතිවෙන්න පුළුවන්. නමුත් තව දුරටත් එවැනි තත්ත්වයන් සුළුවෙන් හිතන එක සුදුසු නැහැ. ඒවගේම ගර්භණී මව්වරුන් රෝගයට ගොදුරු නොවී සිටීමට උත්සාහ ගත යුතුයි.

ඉන්ෆුවෙන්සා රෝගයට ගොදුරු නොවුණත් හැම ගර්භණණී මවක්ම මේ රෝග ලක්ෂණ ගැන දැනුවත් භාවයක් තබාගන්න එක වැදගත්.

ඒ වගේම අනවශ්‍ය ගමන් බිමන් යන එක වගේම අධික ලෙස සෙනඟ ගැවසෙන ස්ථානවලින් ඈත් වී ඉන්න වග බලා ගන්න ඕන. විශේෂයෙන් නිතර නිතර රෝහල්වලට යන එක අවම කරන්න. පොදු ප්‍රවාහන සේවා වලින් ගමන් බිමන් යන එක පුළුවන් තරම් සීමා කරන්න කටයුතු කළොත් වඩාත් ආරක්ෂිත වෙයි. යම් ආකාරයකින් රෝගයට ගොදුරු වුනොත් නිවසට වී කාලය ගත කරන එක තමයි සුදුසුම දේ. ඒ වගේම වහාම සුදුසුකම් ලත් වෛද්‍යවරයකු මුණ ගැසී අවශ්‍ය ප්‍රතිකාර හා උපදෙස් ලබා ගන්න ප්‍රමාද වෙන්න එපා.

ඒ වගේම නිවස තුළ ඉන්ෆ්ලුවෙන්සා රෝගයට ගොදුරු වූ කෙනෙක් ඉන්නව නම් ඔහුට උවටැන් කිරීමට කිසිම වෙලාවක ගර්භණී මවක් ඉදිරිපත් නොවිය යුතුයි. මොකද ඔබට ඉතා ඉක්මනින් මෙම රෝගී තත්ත්වයට ගොදුරු වීමට ඉඩ තියෙනවා. ඒ වගේම ඔබට තවත් කුඩා දරුවෙකු ඉන්න අවස්ථාවක ඒ දරුවාට ඉන්ෆ්ලුවෙන්සා වැළඳුනොත් හිත හදාගෙන දරුවා ගැන බලන්න වෙන කෙනෙක්ට පවරන්න. ඒක තමයි ගොඩක්ම ආරක්‍ෂිත. හැකි තරම් ඉන්ෆ්ලුවෙන්සා ඇතුළු බෝ වන රෝගී තත්ත්වයනට ගොදුරු වීමට ඇති ඉඩ ප්‍රස්ථාවන් මඟහරින්න.

Related Articles

Featured Articles

Trending Articles

අපේ ජනප්‍රියම ලිපි

Make watalappan like this and enjoy the real taste
   4,840
   4,078

මේ දේවල් ටික දැනගත්තොත් නම් නියම රහට රස පදමට වටලප්පන් හදන්න පුළුවන්

වටලප්පන් කන්න කැමති ඔයාලට නියම විදිහට වටලප්පන් එකක් හදාගන්න වැදගත් වෙන දේවල් ටිකක් තමයි අද අපි ඔයාලට කියන්නේ. මේ දේවල් හරියට කරොත් ඔයාටත් පුළුවන් නියම රසට වටලප්පම් හදාගන්න
Say bye to scaled skin
   1,312
   1,140

කොරල සහිත සමට සදහටම සමු දෙන්න

විශේෂයෙන් කකුල්වල සහ අත්වල මේ තත්ත්වය දකින්න පුළුවන්. උනන්දුවක් තියෙන කෙනෙක්ට ඉක්මනින්ම සුව කර ගන්නත් පුළුවන්. බලන්නකෝ මොනවද කරන්න පුලුවන් කියලා
How to prevent heart attacks by reducing cholesterol
   1,217
   1,035

heart attack හදා ගන්නේ නැතුව කොලෙස්ටරෝල් හරි විදියට අඩු කරගන්න

කොලෙස්ටරෝල් මට්ටම අවම කරගන්න වටිනා ආහාර හා කොහොමද ඒ දේවල් ආහාර වේලට එකතු කරගන්න ඕනෙ කියන එක ගැන වගේම රුධිරයේ කොලෙස්ටරෝල් මට්ටම අවම කරගන්නෙ කොහොමද කියන එක ගොඩක් අයට තවමත් තියෙන ගැටලුවක්
How to make Polos the Kandy taste
   1,140
   1,015

නුවර රසට නියම පොලොස් ඇඹුල හදන්නේ මෙහෙමයි

උඩරට පළාත ඉතින් කටට රසට හදන කෑම බීම වලට කොහොමත් ප්‍රසිද්ධයි නේ. ඒ කෑම බීම අතර තියෙන රසම කෑමක් තමයි පොලොස් ඇඹුල කියන්නේ. හදන්න බෑ කියලා හිතාගෙන ඉන්න අයට වගේම හරියට හදාගන්න බැරි අයටත් නුවර රසට නියම විදිහට පොලොස් ඇඹුල ලේසියෙන්ම හදාගන්න වැදගත් වෙන දේවල් ගැන තමයි අද අපි ඔයාලට කියන්නේ
If you do these in he morning, you will not be able to reduce weight
   812
   689

උදේම මේ දේවල් කරොත් කවදාවත් බර අඩුකර ගන්න බැරිවෙයි

බර අඩුකර ගන්න හිතාගෙන ඉන්න අය නම් මේ දේවල් උදේට කරොත් නම් කවදාවත් බර අඩුකර ගන්න වෙන්නේ නැහැ. ඒ නිසා මේක කියවලා උදේට කරන්න ඕනේ දේවල් වගේම නොකරන්න ඕනේ දේවල් ගැනත් දැනගත්තොත් කිසිම ප්‍රශ්නයක් නැතුව බර අඩු කරගෙන ලස්සනට ඉන්න පුළුවන්

Latest Articles

Most Viwed