දරු පැටියව විසබීජ වලින් ආරක්ෂා කරගන්න නම් මේ දේවල් අනිවාර්යෙන්ම කරන්න වෙනවා

August 8, 2017
6,324
5 Ways To Keep Baby Healthy
දරුවෙක් ජීවිතේට ආවම අපේ මුළු ලෝකයම වෙනස් වෙනවා. එදා ඉදන් අපි කරන කියන හැම දෙයක්ම කරන්නේ දරු පැටියව සතුටින් නිරෝගීව බලාගන්න. මොකද අපි දන්නවා අලුත ඉපදුන දරු පැටියට අපෙන් ලොකු ආරක්ෂාවක් රැකවරණයක් ඕනේ කියලා. මේ දවස් වල විසබීජ නිසා දරුවන්ට ඇතිවෙන ලෙඩ රෝගත් වැඩියි. ඉතින් මේ විසබීජ වලින් දරු පැටියව ආරක්ෂා කරගෙන නිරෝගීව එයාව බලා ගන්න අනිවාර්යෙන්ම ඔබ කල යුතු දේවල් ටිකක් ගැන තමයි අද අපි ඔබට කියන්න හිතුවේ.

1. දරුවාව සෙනඟ වැඩිපුර ඉන්න තැන් වලට ගෙනියන්න එපා

ඇත්තටම අපි දන්නවා ඔබ කැමතියි කියලා ඔබේ අලුත උපන් දරු පැටියව හැමෝටම වගේ පෙන්නන්න. හැබැයි මුල් මාස දෙක තුනේදී නම් ඔබේ දරුවාව නිවසේම තියාගෙන බලාගන්න පුළුවන් නම් තමයි වඩාත් හොඳ. සෙනඟ වැඩිපුර ඉන්න උත්සව වලට, කඩ සාප්පු වලට, රෝහල් වලට ඔබ දරුවාව අරගෙන යනවා කියන්නේ දරුවට හානි කරන්න පුළුවන් විසබීජ ගොඩක් අතරට ඔබ දරුවාව ගෙනයනවා කියන එකයි. දරුවාගේ ප්‍රතිශක්ති කරන පද්ධතිය තවමත් අවට තියෙන විසබීජ වලට ඔරොත්තු දෙන විදිහට වර්ධනය වෙලා නැහැ. ඒ නිසා මේ කාලයේදී අපි දරුවාව නිවසේම තියාගෙන හොඳින් බලාගන්න එක තමයි වැදගත්.

2. පිරිසිදුකම ගැන නිතරම සැළකිලිමත් වෙන්න

දරුවා ලගට යන්න කලින් නිතරම දෑත් සෝදා ගන්න මතක තියාගන්න. ඒ වගේම තමයි දරුවා බලන්න ගෙදරට එන අයට වගේම පවුලේ අයටත් කියන්න දරුවාව අල්ලන්න කලින් හොඳට අත් සෝදාගන්න කියලා. ඔබ එහෙම කියන එකේ කිසිම වැරද්දක් නැහැ. මොකද මේ නිසා උණ හෙම්බිරිස්සාව වගේ ලෙඩ වලින් දරුවාව ආරක්ෂා කරගන්න ඔයාට පුළුවන්. ඒ වගේම තමයි පවුලේ කෙනෙක් අසනීප වෙලා ඉන්නවා නම් කියන්න සනීපය හොඳ වෙනකල් දරුවා ලඟට එන්න එපා කියලා.

3. මව්කිරි දීම නවත්වන්න එපා

ඔබට උණ හෙම්බිරිස්සාව වගේ රෝගයක් වැළදුන වේලාවට නිතරම දරුවාගෙන් ඈත් වෙලා ඉන්න අවශ්‍ය නැහැ. ඔබ මවුකිරි දීම දිගටම කරගෙන යන එක ගොඩක් වැදගත්. මොකද මවුකිරි වලින් දරුවට ලෙඩ රෝග වලින් ආරක්ෂා වීමට අවශ්‍ය ප්‍රතිදේහ ලබා දෙනවා.

4. එන්නත් නිවැරදි වේලාවට ලබාදෙන්න

දරුවෙක්ට මේ කාලයේදී ලබාදිය යුතු එන්නත් නිවැරදිව ලබාදෙන එක ඉතාමත් වැදගත්. ඒ නිසා කිසිම විදිහක අතපසු කිරීමක් කරන්නේ නැතුව නිවැරදි වේලාවට දරුවාට එන්නත් ටික ලබා දෙන්න.

5. දරුවට හොඳ නින්දක් ලබාදෙන්න

මේ වයසේ දරුවෙක්ට නින්ද කියන්නේ ඉතාමත් වැදගත් දෙයක්. එය දරුවාගේ කායික වගේම මානසික වර්ධනයටත් ඉතා වැදගත්. දරුවට හොඳ නින්දක් ලබාගන්න පුළුවන් වෙන විදිහට වටපිටාව සකස් කරන්න. පවුලේ අනෙක් අයටත් කියන්න එයට උදවු වෙන්න කියලා. ඒ වගේම තමයි දරුවාව බලන්න එන අයවත් සිමා කරන්න.

Related Articles

Featured Articles

Trending Articles

අපේ ජනප්‍රියම ලිපි

How magnesium help us to have a better sleep
   213
   176

මැග්නීසියම් (magnesium) අපේ නින්දට උදව් කරන්නේ කොහොමද..

අප අතර සිටින බොහෝ දෙනා නිතර කියන දෙයක් තමයි කොච්චර ට්‍රයි කලත් මට හොඳ නින්දක් ලබා ගන්න බැහැනේ කියලා.. අපි බලමු කොහොමද මැග්නීසියම් අපිට සුව නින්දක් ලබා දෙන්නෙ කියලා..
Sri Lankan Pickle (Sinhala Achcharu)
   27,935
   114

සිංහල අච්චාරු ඉතා පහසුවෙන් හදාගමු

අබ, ලුණු, ඉඟුරු, සුදු ලුණු හා කහ කුඩු සියල්ල එකට දමා හොඳින් අඹරා ගන්න. ඉන් පසු විනාකිරි ටික මැටි භාජනයකට දමා හොඳින් උතුරුවා ගන්න
Get rid of wrinkles that makes you look older
   3,856
   110

ඔබ වියපත් කරන සමේ රැලි වැටීම් අවම කර ගන්නේ මෙහෙමයි

කවුරු වුනත් උත්සාහ කරන්නේ තමන්ගේ තරුණ පෙනුම රැක ගන්න. සමේ තෙතමනය රැක ගනිමින් රැලි වැටීම් අවම කරන මේ ස්වාභාවික සත්කාර ඔයත් අදම try කරන්න
Mung Kawum Recipe
   5,215
   95

මුං කැවුම් - Recipe

සිංහල අවුරුදු කෑම
Secrets to take out the beauty in you
   6,953
   85

ඔයාගේ හැඩ-වැඩ වැඩි කර ගන්න ඕන නම්, මේ රහස් 5 ඔයාට හරිම වැදගත්

අද හැඩකාරී අපි ඔයාට කියලා දෙනවා සම්පුර්ණ ලස්සනක් ලබා ගන්නේ කොහොමද කියලා

Latest Articles

Most Viwed