රූපවාහිනිය පිරිසිදු කිරීමේදී ඔබ මෙම වැරදි කරනවා නම් අදම ඒක නවත්වන්න

July 21, 2020
2,723
Do not do these mistakes when you clean the tv
ඔයාගේ ටීවී එකට ඉඳලා හිටලා හරි ඒකේ බැඳිලා තියෙන දූවිලි සහ ඇඟිලි පාරවල් ටික පිරිසිදු කරලා දාන එක අවශ්‍යයි. සමහරවිට ඔබ හිතනවා ඇති තෙත රෙදි කෑල්ලකින් ටීවී එක පිහදාලා දැම්මම වැඩේ ඉවරයි කියලා. ඒත් ඒක නම් එහෙම නෙවෙයි.. මොකද ඔබ රූපවාහිනිය පිරිසිදු කරනකොට සමහර දේවල් වෙන්නේ වැරදියටයි. අද ඉඳන් මෙම වැරදි පහෙන් වැළකී හිටියොත් ඔටාගේ ටීවී එක නිකරුනේ කැඩිලා යන එක නවත්තගන්න පුලුවන් වෙයි..

1. කිචන් ටවල්
ඔබත් සාමාන්‍යයෙන් ගෙදර තියෙන සර්වියට් එකක් හරි කිචන් ටවල් එකක් හරි අරගෙන TV එක පිරිසිදු කරනවද? එහෙනම්, ඔයා මයික්‍රෝ ෆයිබර් රෙදි සඳහා මාරු වෙන්න කාලය හරි. මොකද මයික්‍රෝ ෆයිබර් රෙදි විශේෂයෙන් නිර්මාණය කරලා තියෙන්නේ ම වීදුරු, ඉලෙක්ට්‍රොනික තිර, ජංගම දුරකථන සහ කැමරා කාච වල තියන අපිරිසිදු දේවල් පිස දැමීම සඳහා නිසා. මයික්‍රෝ ෆයිබර් රෙද්දක ඇති ලොකුම වාසිය තමයි එය ඔබේ ඕනෑම වීදුරු තිරයක් මත කිසිම විදිහක ඉරි හෝ සීරීමක් ඉතිරි නොකරන එක.



2. දියර
දියර වර්ග වලින් LCD, LED සහ ප්ලාස්මා තිර වලට බරපතල හානියක් සිදු වෙනවා. විශේෂයෙන් ඔබ භාවිතා කරන දියරයේ ඇමෝනියා, ඇල්කොහොල් හෝ ඇසිටෝන් අඩංගු වෙනවා නම්. ඒ නිසා වියළි මයික්‍රෝ ෆයිබර් රෙද්දකින් තිරය පිරිසිදු කිරීම වඩාත් සුදුසුයි. තිරයේ තියන ඇඟිලි සලකුණු කිහිප වතාවක් අතුල්ලන කොට ඒ පාරවල් නිකන්ම අතුරුදහන් වෙනවා. පැල්ලම් දිගටම පවතිනවා නම් රූපවාහිනී, ජංගම දුරකථන සහ පරිගණක මොනිටර වගේ උපකරණ වල වීදුරු තිර පිරිසිදු කිරීම සඳහා සාදන ලද විශේෂ පිරිසිදු කිරීම් කාරකයක් භාවිතා කරන්න.

3. ස්ප්‍රේ කිරීම
ඔබත් ස්ප්‍රේ එකක් අරන් කෙලින්ම ටීවී තිරය මත ඉසින කෙනෙක්ද? එහෙනම් ඔබ වහාම මෙම අත හැරගන්න එක හොඳයි. පැරණි කාලයේ රූපවාහිනී නම් බොහෝ විට වතුර ස්වල්පයකට ඔරොත්තු දෙනවා. මොකද ඒවායේ වීදුරු ලේයරයක් තියන නිසා. කෙසේ වෙතත් ඩිටර්ජන්ට් සහිත දියර නම් කෙලින්ම තිරය මත ඉසින්න එපා. ඒ වෙනුවට එය මයික්‍රෝ ෆයිබර් රෙද්ද මතට ඉසින්න. ඊට පස්සේ තිරය පුරා පිස දමන්න. ඔබ කෙලින්ම තිරය මතට දියර ඉසිනකොට ස්ප්‍රේ දියරය රූපවාහිනිය ඇතුළට බහින්න පුලුවන් නිසා එමඟින් TV එකට බරපතල හානියක් සිදු වෙන්න පුලුවන්.



4. දුරස්ථ පාලනය
දුරස්ථ පාලකය එහෙමත් නැත්නම් රිමෝට් එකටත් සෑම විටම හොඳ පිරිසිදු කිරීමක් අවශ්‍ය‍යි. මොකද රිමෝට් එකක බැක්ටීරියා ගොඩක් පවතින්න පුලුවන් නිසා. ඒකට විෂබීජ නාශක පිරිසිදු කිරීමේ පිසදැමීම් (disinfectant cleaning wipes) භාවිතා කරන්න පුලුවන් නම් ගොඩක් හොඳයි. නමුත් ඔබට විශබීජනාශක වෙට් වයිප්ස් නැති නම් රෙදි කැබැල්ලකට ඩෙටෝල් ටිකක්, සර්ජිකල් ස්ප්‍රිට් ටිකක් හෝ සැනිටයිසර් ජෙල් ටිකක් දාලා එයින් පිහින්න පුලුවන්. හැබැයි මුලින්ම බැටරි ඉවත් කරන්න. මොකද පිසදැමීමේදී ඇති වෙන තෙතමනය නිසා බැටරි වලට බලපෑමක් ඇති වෙන්න පුලුවන්.

5. ස්පීකර්ස්
අද කාලයේ බොහෝ රූපවාහිනී වර්ග වල built-in speakers තියනවා. තෙත් රෙදි කැබැලි වලින් ඒවා පිරිසිදු කරන්න යන්න එපා. මොකද දියර කාන්දු වෙලා උපකරණයට හානියක් සිදු වෙන්න පුලුවන්. ස්පීකර්ස් වල ඇති සියලුම දූවිලි හා අනෙකුත් අපිරිසිදු ද්‍රව්‍ය පහසුවෙන් ඉවත් කිරීම සඳහා ඩස්ටර් එකක් හෝ වැකුම් ක්ලීනර් එකක් භාවිතා කරන්න.

Related Articles

Featured Articles

Trending Articles

අපේ ජනප්‍රියම ලිපි

Do not do these if you want to look rich
   70,039
   200

ඔබටත් පොහොසත් පෙනුමක් අවශ්‍ය නම් මේ වැරදි කරන්න එපා

ආකර්ෂණිය ධනවත් පෙනුමක් ලබා ගැනීමට අපි එතරම් සැලකිල්ලක් නොදක්වන මේ වැරදි ටික හදා ගත්තොත් ඔබට කා අතරත් කැපී පෙනෙන්න පුලුවන්
Try these if you worry about your face too much
   30,213
   178

හැම තිස්සෙම මුහුණ ගැන වද වෙන කෙනෙක් නම් මේ දේවල් උත්සහ කරන්න

මේ ලිපියෙන් කියන්නේ කාන්තාවකගේ සුන්දරත්වය වැඩි කර ගන්න ස්වභාවික අමුද්‍රව්‍ය භාවිතා කරන්නේ කොහොමද කියන එක ගැනයි. කොහොමින් කොහොම හරි ගෙදර ඉන්න වෙලාවට ඔයාට සම ගැන විශේෂ අවධානයක් දෙන්නත් පුළුවන්
Tips to have plump lips
   288
   135

පිරුණු ආකර්ෂණීය දෙතොලකට ටිප්ස්

අද හැඩකාරී අපි ඔබට තොල් වලට මේක් අප් කිරීම සඳහා උපකාරී වන වඩාත් ඵලදායී ටිප්ස් කිහිපයක් අරන් ආවා
How to pick cloths for your skin tone
   3,809
   76

සමේ වර්ණයන්ට ගැළපෙන විදිහට ඇඳුම් තෝරා ගන්නේ මෙහෙමයි

සමේ පැහැය මත පදනම්ව ඔයාට වඩාත්ම ගැලපෙන වර්ණ මොනවාදැයි හඳුනා ගැනීමට ස​හ ඇඳුමක් ඔන්ලයින් ඕඩර් කරන්න කලින්, සාප්පු සවාරි සැරිසැරීමට කලින් මතක තබා ගැනීම​ට මාර්ගෝපදේශ කිහිපයක් මෙන්න
Best exercises to control diabetics
   77
   59

ඔබේ දියවැඩියා මට්ටම පාලනය කිරීම සඳහා හොඳම ව්‍යායාම 5ක්

අද හැඩකාරී අපි ඔබට ඉදිරිපත් කරන්නේ දියවැඩියාව සඳහා හොඳම ව්‍යායාම 5ක් ගැනයි

Latest Articles

Most Viwed