ප්‍රේමයේ බැඳීම සහ සත්‍යය අතර වෙනස - Story

September 16, 2020
5,000
Difference between love and truth - Story
ඉතා ආදරණීය යුවළක් වන ඩේව් සහ සාරා විවාහ වෙලා වසර 10 ක් වෙනවා. ඒ කාලය ඇතුළත දරුවෙක් හදන්න ඔවුන් දෙදෙනාට බැරි වුණත්, දෙදෙනාම දරුවෙක් නැතුව ඉතාම හොඳින් විවාහ ජීවිතය ගත කරමින් හිටියා. ඊට පස්සේ උදා වෙමින් තිබ්බේ ඔවුන්ගේ විවාහ ජීවිතයේ 11 වන වසරයි. 11 වන අවුරුද්ද අවසන් වීමට කලින් වත් තමන්ට දරු පැටියෙක් ලැබෙයි කියලා හිතමින් ඩේව් සහ සාරා බොහෝ සෙයින් බලාපොරොත්තු සහගතව ජීවත් වුණා. මොකද මේ පාර වත් දරුවෙක් ලැබුණේ නැත්නම් දික්කසාද වෙන්න කියලා දෙදෙනාගේම මිතුරන් සහ පවුලේ සාමාජිකයින් එයාලාව පෙළඹවමින් හිටියේ. නමුත් ඔවුන් අතර තියන දැඩි ප්‍රේමය නිසා ඔවුන්ට ඒ තීරණය අරන් වෙන් වෙන්න කිසිම අවශ්‍යතාවයක් තිබ්බේ නෑ. 

ඒ ආකාරයට මාස ගණනක් ගෙවී යන අතරතුරදී දවසක් ඩේව් රැකියාවෙ වැඩ කටයුතු ඉවර කරලා ආපසු ගෙදර යමින් සිටියදී ඔහුගේ බිරිඳ වෙනත් පිරිමියෙක් සමඟ පාරේ ඇවිදිමින් ඉන්නවා ඔහු දැක්කා. එම පුද්ගලයා හිටියේ ඇගේ බෙල්ල වටා අතක් තබාගෙනයි. පෙනුණ විදිහට නම් දෙදෙනා ඉතා සතුටින් ඉන්නවා කියලා තමයි ඩේව් දැක්කේ. ඒ වගේම සතියකට අධික කාලයක් ඒ පුද්ගලයා එක්කම තමන්ගේ බිරිඳ විවිධ ස්ථානවල සිටිනවා ඩේව් දැක්කා. ඒ අතර එක් සැන්දෑවක ඩේව් වැඩ නිම කරලා ආපසු යමින් සිටියදී ඔහු දුටුවේ එම පුද්ගලයා තමන්ගේ බිරිඳගේ කම්මුලට හාදුවක් දීලා ඇයව නිවසට ඇරලවන ආකාරයයි. ඒ සිද්ධිය නිසා ඩේව් කෝපයෙන් හා දුකින් සිටියත් ඔහු ඒ ගැන තම බිරිඳ සමඟ කතා කරන්න ගියේ නෑ.

දින දෙකකට පස්සේ කාර්යබහුල දිනයක වැඩ කටයුතු ඉවර කරලා ගෙදර ආවාට පස්සේ, බොන්න අරගත්ත වතුර ජෝග්ගුවක් අතේ තියෙද්දී ඩේව්ගේ ගෙදර දුරකථනය නාද වෙනවා ඇහුණා. ඔහු එයට පිළිතුරු දෙන්න දුරකථනය අතට ගත්තාම එහා පැත්තෙන් කතා කළේ පිරිමියෙක්. “හෙලෝ ඩියර්, පොරොන්දු වුණු විදිහටම ඔබව බලන්නට මම අද සවස ඔබේ නිවසට එනවා.” ඩේව් දුරකථනය වහාම විසන්ධි කළා. ඒක පිරිමි කටහඬක්. ඒ වගේම ඒ පුද්ගලයා තමන්ගේ බිරිඳ සමඟ ඉන්නවා දැකපු පුද්ගලයා බව ද ඔහුට විශ්වාසයි. තමන්ගේ බිරිඳ වෙනත් පිරිමියෙක්ට හිමි වෙන්නයි යන්නේ කියන සිතිවිල්ලෙන් ඩේව්ගේ හදවත හදිසියේම කම්පා වෙන්න පටන් ගත්තා. අතේ තිබ්බ වීදුරු බඳුන ඔහුගේ අතින් බිමට වැටිලා කැබලිවලට කැඩී ගියා.

ඒ ශබ්දය ඇහිලා බය වුණු ඩේව්ගේ බිරිඳ ඉක්මනින්ම කාමරයට දුවගෙන ආවා. “හැමදේම හොඳින්ද?” ඇය ඔහුව ස්පර්ෂ කරමින් ඇහුවා. ඩේව් හිටියේ කෝපයෙන් නිසා ඔහුව ඇය අල්ලපු පාර ඇයව වේගයෙන් තල්ලු කරලා දැම්මා. ඒ තල්ලුවේ වේගයට ඇයව බිම ඇදන් වැටුණා. ඇය වැටුණ තැන එහෙම්ම හිටියා මිසක් සෙලවුණේ වත් නෑ. ඩේව්ට ටික වෙලාවක් ගියා පියවි සිහියට එන්න. එතකොටයි ඔහු තේරුම් ගත්තේ ඔහු වීදුරු බඳුන කඩා දැමූ තැන ඇයව ඇද වැටී ඇති බව. විශාල වීදුරු කැබැල්ලක් ඇනිලා ඇයට තුවාල වෙලා තිබ්බා. ඇගේ හුස්ම සහ හෘද ස්පන්දනය ඔහුට දැනුන නමුත් ඒ වෙලාවේ ඇයට පණ නැති වෙලායි හිටියේ. හිටිහැටියේම වුණ දේ නිසා ඩේව්ගේ මනස සම්පූර්ණයෙන්ම ව්‍යාකූල වෙලායි තිබ්බේ. එක වරම ඔහු ඇගේ අතේ ලියුම් කවරයක් තියනවා දැක්කා. ඔහු එය අතට රැගෙන එය විවෘත කරා. ඒකේ තිබ්බ අන්තර්ගතය කියවන්න පටන් ගත්තා. කියවගෙන යද්දී හිතාගන්න බැරි විදිහට ඩේව්ව නැවතත් කම්පනයට පත් වෙන්න පටන් ගත්තා - ඒක ලිපියක්. ලිපියේ සඳහන් වෙලා තිබ්බේ මෙහෙමයි :

“මගේ ආදරණීය ඩේව්, වචනවලින් මට හැඟෙන සතුට ප්‍රකාශ කරන්න බැරි නිසා නිසා මට මේ දේ ලියන්නට සිද්ධ වුණා. මම වෛද්‍යවරයෙක් හම්බ වෙන්න ගිහින් දැන් සතියකට වැඩි කාලයක් ගත වෙලායි තියෙන්නේ. ඔයාට ඒ ප්‍රවෘත්තිය කියන්න කලින් මට ඒක සහතික කරගන්න අවශ්‍ය වුණා.

වෛද්‍යවරයා තහවුරු කළා මම නිවුන් දරුවන් දෙදෙනෙක් එක්ක ගැබ්ගෙන ඉන්නේ කියලා. දැනටමත් අපේ දරුවන්ට මාස 2 ක් ගත වෙන්න නියමිත බවත් ඔහු කිව්වා. ඔයා දන්නවාද? ඒ වෛද්‍යවරයා තමයි මම පොඩි කාලයේදී අපේ පවුලට අහිමි වුණු මගේ සහෝදරයා. ඔහු මාව සහ අපේ දරුවන් බිහි වෙනකල් රැකබලා ගැනීමටත්, සතයක්වත් අරගන්නේ නැතුව අපිට හොඳම වෛද්‍ය සේවාවක් ලබා දීමටත් පොරොන්දු වුණා.

ඉතින්, අද අපි සමඟ රාත්‍රී ආහාරය ගන්න මෙහෙ එන්න ඔහු පොරොන්දු වුණා. ඩේව්, මෙච්චරකල් මේ සතුට විඳින්නට ඔයා මාත් එක්ක ජීවත් වුණ එකට ගොඩාක් ස්තූතියි ! 

ඔබේ ආදරණීය බිරිඳ සාරා... "

මේ සටහන කියෙව්වාට පස්සේ ලිපිය ඔහුගේ අතින් ගිලිහිලා වැටුණා. එක් වරම කෙනෙක් ගෙදර දොරට තට්ටු කළා. ඒ තමන්ගේ බිරිඳ සමඟ දුටු එම පුද්ගලයා බව ඩේව් අඳුනගත්තා. “හෙලෝ ඩේව්, මම හිතන්නේ මම හරි නිවසට ඇවිල්ලා. මම මැක්ස්, ඔයාගේ බිරිඳගේ සහෝදරයා ”

ඒ ටික කියන ගමන් තමන්ගේ සහෝදරියව හොයපු මැක්ස්, හදිසියේම තමන්ගේ සහෝදරිය ඇගේ නිවස මැද ලේ විලක වැටිලා ඉන්න ආකාරය දැක්කා. ඔහු වහාම ක්‍රියාත්මක වෙලා ඇයව රෝහලට ගෙන ගියා. ඒත් ඇය සිටියේ කෝමා තත්වයකයි. අවාසනාවන්ත ආකාරයට ඒ වෙද්දීත් ඇයට නිවුන් දරුවන් අහිමි වෙලායි තිබ්බේ.

පාඩම : අපි ආදරය කරන අපේ සහකරු හෝ සහකාරිය ගැන අපි දකින හෝ අසන දේවල් පිළිබඳව අපිට ප්‍රශ්න සහගත අවස්ථා ඕනේ තරම් උදා වෙනවා. ඒ වගේ වෙලාවට ඒ දේවල් ගැන සාකච්ඡා නොකර ඉන්නවා නම්, අපගේ සම්බන්ධතාවය හෝ විවාහය ගැන අනවශ්‍ය ක්‍රියාමාර්ග/තීර්ණ ගැනීමට අපි ඉක්මන් නොවිය යුතුයි. අපි හැමෝටම අපේම චරිතයේ සැඟවුණු වැරදි තියෙනවා. ඒ නිසා දකින හැමදේම නිසා අපි අනෙකාව විනිශ්චය කිරීමට ඉක්මන් නොවිය යුතුයි. යමෙක් ගැන ඔබ දකින, අසන හෝ විශ්වාස කරන සෑම දෙයක්ම සත්‍ය නෙමෙයි. ඔබ අසන හෝ දකින දේවල් ගැන මත පමණක් විශ්වාසය තබන්නේ නැතිව, ඕනෑම තත්වයකදී හෝ සිදුවීමකදී ඔබව පාලනය කර ගන්නට හැම වෙලාවේම සිතට ගන්න.

Related Articles

Featured Articles

Trending Articles

අපේ ජනප්‍රියම ලිපි

Weralu benefits
   2,342
   158

වෙරළු වල ගුණ

වෙරළු කොලස්ටරෝල් සඳහා ඉතාම ගුණදායකයි. දිනකට වෙරළු ගෙඩි පහක් අවම වශයෙන් ආහාරයට ගන්නවා නම් හිතකර…
How to keep pregnancy glow like kareena and anushka?
   3,512
   88

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!
How to kill bad bacteria in your mouth
   427
   68

ඔබේ මුඛයේ බැක්ටීරියා විනාශ කර සැහැල්ලුවෙන් හුස්ම ගැනීමට ක්‍රම 6 ක්

ලෝකයේ මිනිසුන්ගෙන් සියයට 35% ත් 45% ත් අතර සංඛ්‍යාවක් ඔවුන්ගේ දිවා කාලයේ මුවින් දුගඳක් වහනය වීම නිසා පීඩා විඳිනවා. මුවින් දුගඳක් වහනය වීම සමඟ සටන් කිරීමට පහසු ක්‍රම 6ක් අද අපි ඔබ වෙතට ගෙන එන්න සුදානම්
Uncomfortable because of body odour?
   6,750
   62

දහදිය දුඟද නිසා ඔයත් හැමදාම අපහසුතාවයට පත් වෙනවද?

අහලා ඇතිනේ දහදිය ගඳ දැනෙන්නේ තමන්ට නෙවෙයි ළඟ ඉන්න අනිත් අයට කියලා. ඒ නිසා අනිත් අය ඉස්සරහා අපහසුතාවයට පත් වෙන්නේ නැතුව මේකට විසඳුමක් හොයා ගමු
Know about Vaginal atrophy
   2,370
   43

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?

Latest Articles

Most Viwed