දරු ප්‍රසුතියෙන් පසුවත් ඇති වන කොන්දේ වේදනාව නිසා ඔබත් පීඩාවට පත් වෙලාද?

May 2, 2018
1,562
Mother's back pain after delivery
ගර්භනී කාලේදී කොන්දේ ඇති වන වේදනාව සාමාන්‍ය දෙයක් විදියට හඳුන්වන්න පුළුවන්. ඕනෑම ගර්භනී මවකට මේ තත්ත්වය ඇති වෙන්න පුළුවන්. ඒ වගේම දරු ප්‍රසුතියෙන් පසුවත් යම් කාලසීමාවක් පසු වන තෙක් මේ කොන්දේ වේදානාව පවතිනවා. සාමාන්‍යයෙන් මාස 6ක් පමණ ගත වුනාට පසුව මේ තත්ත්වය නිකන්ම වගේ අවම වෙලා යනවා. ඒකට හේතුව දරු ප්‍රසුතියේදී මාංශ පේශීන් හා අස්ථි ලිහිලනය කරන හෝමෝන වල ක්‍රියාකාරිත්වය අවම වීම. කොහොම වුනත් දරු ප්‍රසුතියකින් පසුව ඇතිවන කොන්දේ වේදනාව හා අනෙකුත් අපහසුතාවයන් මඟහරවා ගන්න ඔබට මේ දේවල් ගැනත් වැඩි අවදානයක් දෙන්න වෙනවා.

1. මසකට හෝ ඊට පසු නැවතත් ඔබේ සාමාන්‍ය බරට, ඒ කියන්නේ කලින් පවත්වාගෙන ආව බර ඇති කර ගන්න උත්සාහ කරන්න. කදිම බර පවත්වා ගැනීමට නිවැරදිව ආහාර ගැනීම කල යුතුයි. ඒවගේම ඔබ මව් කිරි දෙන මවක් කියන එකත් අමතක කරන්න එපා. ඒ නිසා දෙපැත්තම සමබර කර ගන්න.

2. මාංශ පේශීවල ක්‍රියාකාරිත්වය නිවැරදිව පවත්වා ගැනිමටත් එහි සෞඛ්‍යය වැඩි දියුණු කිරීම සඳහා උපකාරී වන ව්‍යායාම, යෝගී ආදිය කිරීමත් අතිශය වැදගත්. එසේම, එය ඔබේ නම්‍යශීලි බාවය හා විඳදරාගැනීම වැඩි කිරීමට උපකාරී වෙනවා. ඇවිදීම කියන්නෙත් මේ තත්ත්වය අවම කර ගන්න ආරක්ෂිත හා පහසු අභ්‍යාසයක්. මාංශපේශි ශක්තිමත් කිරීම සඳහා ඔබට පිහිනිමත් ව්‍යායාමයක් විදියට කරන්න පුළුවන්.

3. ඒ වගේම ව්‍යායාම කරද්දී මේ ගැනත් අවදානය දිය යුතුමයි. කොන්දේ වේදනාවට සහනයක් ලබා ගන්න හිතා ගෙන වෙහෙස නොබලා ශාරීරික ක්‍රියාකාරකම් වල නිරත වෙන්න එපා. ඒ නිසා ඔබේ වේදනාව තවත් වැඩි වෙන්න පුළුවන්.

4. ඔබේ මාංශ පේශී සහ සන්ධි වලට අධික ලෙස පීඩනය ඇති කරවන විදියට අධික ලෙස බර උසුලන්න එපා.

5. මව්කිරි ලබා දෙද්දී අනිවාර්යෙන් ඉරියව් ගැන සැලකිලිමත් වෙන්න. මව්කිරි දීම අතරතුරදී ඔබ දරුවා දෙසට අනවශ්‍ය ලෙස නැඹුරු වීමෙන් වළකින්න. මව්කිරි දීම අතරතුරත් ඔබේ කොන්දේ, උරහිස් හෝ ඉහළ කොටසේ වේදනාව ඇති වේ නම් ඇඳක වැතිරී මව්කිරි ලබා දීම තමයි වඩාත් සුදුසු.

6. මුල් මාස කිහිපය ගෙවී යනතුරු අඩි උස පාවහන් පැළඳීම අහිතකරයි. අඩි උස පාවහන් කියන්නේ කොහොමත් කොන්දේ වේදනාව ඇති කරවන්න හේතු වෙන්නක්. ඒ නිසා ඒ ගැනත් ටිකක් හිතලා ටික කාලයක් යන තුරු අඩි උස පාවහන් පැලැන්දීමෙන් වළකින්න.

7. නිදා ගැනීමේදී ඔබට පහසු ඉරියව්වක් තෝරා ගන්න. ඔබේ පහසුව සඳහා කොට්ට හෝ වෙන යම් ආධාරකයක් භාවිතා කරන්න.

8. වේදනාව ඇති වන ප්‍රදේශ වලට හොඳින් තෙල් සාත්තුවක් කරන්නත් අමතක කරන්න එපා. එය රුධිර සංසරණය වැඩි දියුණු කිරීම සහ මහත් සහනයක් ලබා දෙනවා. ඒ මඟිනුත් කොන්ද ආශ්‍රිත ප්‍රදේශ වල වේදනාව අවම කර ගන්න පුළුවන්.

Related Articles

Featured Articles

Trending Articles

අපේ ජනප්‍රියම ලිපි

4 behaviour patterns that men do not like about women
   1,571
   1,163

පිරිමි අකමැති කාන්තා හැසිරීම් රටා 4ක්

පෙම්වතා ඔයාට ඔයාගේ හැසිරීම ගැන කිව්වේ නැති උනත් හිතින් අප්‍රසාදයක් ඇති වෙන්න පුළුවන්. අද හැඩකාරි අපි ඔයාට කතා කරන්න යන්නේ පිරිමි පාර්ශවයේ හිත හැමදාටම දිනා ගන්නේ කොහොමද කියලා
How to choose a saree to look thinner
   13,179
   1,073

මහත කෙනෙක් කෙට්ටුවට පේන විදිහට සාරියක් තෝරා ගන්නේ මෙහෙමයි

සිරුරෙන් ටිකක් මහත කෙනෙක්ට තියෙන ගැටළුවක් තමයි ඔයාගේ සිරුරේ හැඩය පේන විදිහේ සාරියක් ඔයා තෝරා ගන්නේ කොහොමද කියන එක
Why children should sleep separately from parents
   15,110
   812

දරුවන්ට වෙනම නිදා ගන්න පුරුදු කරන්න කියන්නේ ඇයි?

ඔයාත් පොඩි දරුවන් ඉන්න අම්මා කෙනෙක් නම් තාත්තා කෙනෙක් නම් ඔයාගේ දරුවන්ට වෙනම නිදා ගන්න පුරුදු කරන්න දැන් ඉඳන්ම
Like to have attractive hair?
   16,508
   616

ඔයත් කැමතිද ආකාර්ෂණීය කෙස්කළඹක හිමිකාරිණියක් වෙන්න

පංචකල්‍යාණය අතුරෙන් ඉතාමත් වැදගත් කල්‍යාණයක් තමයි කේශ කල්‍යාණය. ඉතිං ඔයාට ශක්තිමත්, දිගු වගේම සුන්දර කෙස්කලඹක් නෑ කියලා ඒ ගැන හිතමින් වද වුණු කාලේ දැන් ඉවරයි
Juices to get rid of diabetics
   3,799
   596

සම්පුර්ණයෙන්ම දියවැඩියාව නැති කර ගන්න විසඳුම් වට්ටෝරු

අද හැඩකාරී අපි ඔයාට දිය වැඩියාව සදහටම නැති කරන්න වට්ටෝරු කිහිපයක් කියලා දෙනවා

Latest Articles

Most Viwed