ඔබේ ප්‍රතිශක්තිය ඉහළ නැංවීමට උපකාරී වන ජීවන රටා 3 ක්

October 10, 2020
706
3 lifestyles to booset immune system
ප්‍රතිශක්තිකරණ පද්ධතිය කියන්නේ අපේ ශරීරයේ අභ්‍යන්තර සෛල හා ප්‍රෝටීන වලින් සමන්විත පද්ධතියක්. අපේ ශරීරය ආක්‍රමණය කරන හෝ ඒකට ඇතුළු වෙන්න උත්සහ කරන ඕනෑම බාහිර දෙයක් ගැන ඉක්මණින්ම හඳුනාගෙන ඒවායෙන් ශරීරය ආරක්ෂා කරන්නේ මේ ප්‍රතිශක්තිකරණ පද්ධතියයි. අපිව සෞඛ්‍ය සම්පන්නව හා රෝගාබාධවලින් තොරව තබා ගැනීම තමයි ඒකේ ප්‍රධාන වගකීම. ප්‍රතිශක්තිකරණ පද්ධතියේ ශක්තිය මඟින් තමයි පුද්ගලයෙකුට විවිධ කායික, මානසික හා පාරිසරික අභියෝගයන්ට මුහුණ දීමට ඇති හැකියාව ගැන තීරණය කරන්නේ.

COVID-19 වසංගතය තවමත් ලොව පුරා ව්‍යාප්ත වෙමින් පවතින නිසා අපි තාමත් ප්‍රතිශක්තිය ගොඩනඟා ගැනීම ගැන අවධානය යොමු කිරීම නවත්වන්න හොඳ නෑ. ඒකට අපේ එදිනෙදා වැඩ කටයුතු එක්ක ක්‍රියාශීලීව ජීවත් වෙන ගමන් සිහියෙන් යුක්ත ජීවන රටාවක් ද අනුගමනය කරන්න ඕනේ. කෙසේ වෙතත් ඒක සිතන තරම් පහසු නැ. ප්‍රතිශක්තිකරණ පද්ධතිය කියන්නේ සෛල වර්ග කිහිපයක සංකීර්ණ දැලක් වන නිසා, ඒ සෑම එකක්ම හානිකර ක්ෂුද්‍ර ජීවීන්ගෙන් අපේ ශරීරය ආරක්ෂා කිරීමට ඔවුන්ගේ කාර්යභාරය ඉටු කරනවා.

ආයුර්වේදය මඟින් ද මිනිස්සුන්ගේ සෞඛ්‍ය සම්පන්න ජීවන රටාවට අවශ්‍ය කරන විවිධ අංග ඉදිරිපත් කරලා තියනවා. යෝග සහ භාවනා ක්‍රම මගින් ප්‍රතිශක්තිය ඉහළ නැංවෙනවා මෙන්ම හෝමෝන වල සමබරතාවය ද පවත්වා ගැනීමට පුලුවන් වෙනවා කියලා ඔප්පු වෙලා තියනවා. යෝග ව්‍යායාම වල විවිධ ආසන සහ විවිධ ඉරියව් තියනවා. ඒවා විශේෂයෙන්ම සැකසිලා තියෙන්නේ අපේ ශරීරයේ විවිධ මාංශ පේශි කණ්ඩායම් සහ අවයව ඉලක්ක කරගෙනයි.

ඒවා ඔබේ දෛනික චර්යාවට ඇතුළත් කර ගැනීමෙන් ප්‍රතිශක්තිය වර්ධනය වීම උත්ප්‍රේරණය කරන්න පුලුවන් අතර ඔබේ ප්‍රතිශක්තිකරණ හැකියාව ද ශක්තිමත් කරන්න පුලුවන්.

ඒ වගේ ස්වාභාවික චිකිත්සක පිළිවෙත් වලට අමතරව විශ්මයජනක විදිහට ඔබට ධනාත්මක ප්‍රතිඵල ලබා ගන්න පුලුවන් තවත් සරල පියවර කිහිපයක් මෙන්න :

ආහාර හරියට ගන්න

ඒක ඇත්තක් ; ඔබේ ශරීරය පන්සලක් වගේ. ඒ නිසා ඔබ ඒක පෝෂණය කරන දේවල් ගැන අනිවාර්‍යෙන්ම සැලකිලිමත් වෙන්න ඕනේ.

ඔබේ ප්‍රතිශක්තිකරණ පද්ධතියේ වර්ධනය අඩාල වීමට ප්‍රධාන හේතුව ඔබ නොදැනුවත්වම අනුගමනය කරන වැරදි ආහාර පුරුදුයි. විටමින් බහුල ආහාර පරිභෝජනය කරමින් ඔබේ ශරීරය පෝෂණය කිරීමට ප්‍රමාණවත් තන්තු ප්‍රමාණයක් ලබා දෙන්න. ඔබේ ප්‍රතිශක්තිකරණ පද්ධතියට ඔබේ ශරීරයේ පෙනුම එක්ක කිසිදු සම්බන්ධයක් නැති බව මතක තබා ගන්න.

නිරෝගී අක්මාවක් සඳහා කේල්, බ්රොකොලි සහ ගෝවා වගේ එළවළු ඔබේ දෛනික ආහාර වේලට ඇතුළත් කර ගන්න. නිරෝගී අක්මාවකින් ශරීරයේ ස්වාභාවික විෂබීජ නාශක ක්‍රියාවලිය සහතික කරනවා.

හොඳින් නිදාගන්න

ඔබේ නිදි චක්‍රය සෞඛ්‍ය සම්පන්න කර ගැනීම කියන්නේ ඔබේ ශරීරයට දෙන්න පුලුවන් ලොකුම ත්‍යාගයක්. ශරීරයට එයාගේ අභ්‍යන්තර ක්‍රියාවලිය නැවත පණගන්වන්නට සහ නැවත ආරම්භ කිරීමට පැය 8 ක පමණ නින්දක් අවශ්‍ය වෙනවා. පැය 8 ක නින්දක් පමණක් නෙමෙයි හරි වෙලාවන්ට නිදා ගැනීමද වැදගත් බව මතක තබා ගන්න.

බොහෝ දිනවල ඔබ පාන්දර 3 විතර වෙනකල් ඇහැරිලා ඉන්න කෙනෙක් නම් ඒක තරබාරුකම, ආතතිය, මානසික අසමතුලිතතාවය සහ වෙනත් රෝගාබාධවලට ගොදුරු වෙන්න ඔබේ ශරීරයේ සාමාන්‍ය ක්‍රියාකාරිත්වයට බාධා ඇති කරන්න පුලුවන්.

3. ව්‍යායාම කරන්න

ප්‍රතිශක්තිකරණ පද්ධතිය ඉහළ නැංවීම සඳහා නිතිපතා ව්‍යායාම කිරීම ඉතා වැදගත් පුරුද්දක් බව විද්‍යාත්මකව ඔප්පු කරලා තියනවා. දිනපතා ව්‍යායාම කිරීමෙන් ශරීරය ආසාදන වලින් ආරක්ෂා කරන සුදු රුධිරාණු වර්ගයක් වන T සෛල බලමුලු ගන්වනවා.

එහෙමයි කියලා අඛණ්ඩව දැඩි ව්‍යායාම වලට යොමු වෙන්න එපා. මොකද ඒ හරහා ප්‍රතිශක්තිකරණ පද්ධතිය දුර්වල වන අතර එමඟින් ඔබට උණ සහ වෛරස් ආසාදන ඇතිවීමේ අවදානමක් ද ඇති වෙන්න පුලුවන්. ශරීරයේ විටමින් ඩී මට්ටම අඩු වෙන එක ද ශ්වසන ආබාධ සඳහා වැදගත් හේතුවක් ලෙස හැඳින්වෙනවා. ඒ නිසා මිනිත්තු 10–15 අතර කාලයක් හිරු එළියේ ඇවිදීම මඟින් ශරීරයේ ප්‍රමාණවත් විටමින් ඩී නිපදවන බව සහතිකව ම කියන්න පුලුවන්.

මේවා ඔබේ දෛනික චර්යාව තුළ කරන්න පුලුවන් සරල ක්‍රියාකාරකම්. නමුත් ඉහළ ඵලදායීතාවක් සහිත දේවල්. ප්‍රධානම දෙය තමයි ඔබේ ශරීරයට හොඳින් සවන් දීම සහ ශරීරය ඔබට කියන්නේ මොකක්ද කියන එක ගැන සවිඤානික වෙමින් ජීවත් වෙන එකයි.

Related Articles

Featured Articles

Trending Articles

අපේ ජනප්‍රියම ලිපි

Know about Vaginal atrophy
   2,092
   622

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
This is why your skin look dark
   33,077
   159

ඔබේ සම අඳුරු වෙලා පේන්නේ මේ හේතු 5 නිසායි

අඳුරු පැහැ වුනු මුහුණ යලි පැහැපත් කල හැකි මේ පහසුම ක්‍රම ටික ඔබට අත් වැසිල්ලක් වේවි
Are you a good wife? (01)
   3,475
   118

ඔයත් යහපත් බිරිඳක්ද? මේ ලක්ෂණ ඔයා ළඟත් තියෙනවද? (01)

විවාහය කියන්නේ කණ්ඩායම් වැඩක්. තවද අවශ්‍යතාවන් සපුරා ගැනීමට දෙදෙනාම එක් වී උත්සාහයන් දැරීමට අවශ්‍ය වෙනවා. ඔයාට ‘හොඳ ස්වාමිපුරුෂයෙක්’ අවශ්‍ය වනවා සේම, ඔයාගේ සැමියාට හොඳ බිරිඳක් අවශ්‍ය වෙනවා. ‘හොඳ බිරිඳක් වන්නේ කෙසේද’ යන්න පිළිබඳ අද හැඩකාරී අපි මෙ ලිපියෙන් කියලා දෙනවා
Use these natural ingredients carefully
   178
   100

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
4 breakfast mistakes lead you to gain weight
   512
   74

උදෑසන ආහාරය මඟින් ඔබව තරබාරු කරවන වැරදි 4ක් මේ

තාමත් නව වසරේ ආරම්භක කාර්තුවේ ඉන්න නිසා උදේ ආහාරය මඟ හැරිය යුතුද නැද්ද යන්න පිළිබඳ විවාදය පසෙකට දමලා, ඔබ උදේ ආහාරය සඳහා අනුභව කරන දේවල් වලට අවධානය යොමු කරන්න පටන් ගන්න. ඔබේ බර අඩු කරන්නේ හෝ වැඩි කරන්නේ එයයි

Latest Articles

Most Viwed