අත් යට කළු වීම වළක්වන හොඳම විසඳුම් 6 මෙන්න

October 29, 2017
5,138
6 solutions to get rid of dark under-arm
කාන්තා පිරිමි කියලා භේදයක් නැතුව ගොඩක් දෙනෙක් මුහුණපාන ගැටළුවක් විදියට අත් යට කළු වීම දක්වන්න පුළුවන්. සමහර විට ඔයාටත් මේ ප්‍රශ්නය තියෙනවා වෙන්නටත් පුළුවන්. ඒක ඔයාගේ පෙනුමට බාධාවක් කරනවා වගේම ගොඩක් අවස්ථා වලදී ඔයාව අපහසුතාවයට පත් කරන්නත් හේතු වෙනවා.

විශේෂයෙන් කාන්තා පාර්ශවයට ඇඳුමක් අදින්න ගියාමත් දෙපාරක් හිතන්න වෙනවා. අත් කපපු ඇඳුමක් අසාවට අඳින්න වෙන්නේ නැහැ. මොකද අත් යට කළු බව ඔයාගේ පෙනුමට හානි කරන නිසා. මේ ප්‍රශ්නෙට ඔයාට නිවසේදීම කරන්න පුළුවන් ප්‍රතිකාර කීපයක්ම තියෙනවා. ඒ වගේම ඔයාට පහසුවෙන්ම හොයා ගන්න පුළුවන් 100%ක් ස්වභාවික දේවල් තමයි මේ සඳහා ඕන කරන්නේ. අවශ්‍ය කරන්නේ ඔයා වෙනුවෙනුත් පොඩි වෙලාවක් හොයා ගන්න එක විතරයි.

1. කිරි

අත් යට ඇති අඳුරු පැහැය ඉවත් කිරිමට හැකි විටමින් හා විශේෂ අම්ලයන්ගෙන් කිරි සමන්විත වෙනවා. ඒ නිසා ඔයාගේ අත් යට ඇති අඳුරු පැහැය නැති කිරීමට කිරි උපකාරී වෙනවා. කිරි මුදවපු කිරිත් සමග මිශ්‍ර කර අත් යට ආලේප කිරීමෙන් වඩා හොද ප්‍රථිඵල ලබා ගන්න පුළුවන්. කිරි වල තියෙන ලැක්ටික් කියන අම්ලයට සම පැහැපත් කිරීමේ හැකියාව පවතිනවා

2. අර්තාපල්

අර්තාපල් කියන්නෙත් අත් යට අඳුරු පැහැය ඉවත් කරන්න යොදා ගන්න පුළුවන් ගොඩාක් හොද ප්‍රතිකාරයක්. අර්තාපල් වල තියෙන ස්වභාවික බ්ලීචින් ඒ සඳහා උපකාරී වෙනවා. සිහින් අර්තාපල් පෙත්තක් ගෙන අවපැහැ වුනු ප්‍රදේශ වල අතුල්ලා සිසිල් ඇල් ජලයෙන් සෝදා හරින්න. ක්‍රමානුකුලව දින කීපයක් මෙසේ කිරීමෙන් වඩා හොඳ ප්‍රථිපල ලබා ගන්න පුළුවන්.

3. බේකින් සෝඩා

බේකින් සෝඩා යොදා ගෙන කරන ප්‍රතිකාරයෙන් ඔයාට ඉතාමත් හොද ප්‍රතිඵල ලබා ගන්න පුළුවන්. බේකින් සෝඩා ජලය සමග මිශ්‍ර කර ගන්න. මිශ්‍රණය ඔබගේ අඳුරු පැහැ අත් යට ආලේප කරන්න. මිනිත්තු 10-15ත් අතර ප්‍රමාණයක් තබන්න. ඉන් පසු මද උණුසුම් ජලයෙන් සෝදා හරින්න.

4. පිපිඤ්ඤා

අර්තාපල් වල වගේම පිපිඤ්ඤා වලත් ස්වභාවික බ්ලිචින් අඩංගු වෙනවා. සිහින් පිපිඤ්ඤා පෙත්තක් ගෙන අත් යට අතුල්ලන්න. එහෙමත් නැත්තන් පිපිඤ්ඤා යුෂ අත් යට ආලේප කරන්න. ප්‍රතිඵල ලැබෙන තෙක් දිනපතා මේ සත්කාරය කරන්න.

පිපිඤ්ඤා යුෂ වලට කහ සහ දෙහි යුෂ ස්වල්පයක් එකතු කර අලේප කිරීමත් වඩා ප්‍රතිඵලදායකයි.

5. දොඩම් ලෙලි

දොඩම් ලෙලි අව්වේ හොඳින් වෙලා කුඩු කර ගන්න. කුඩු කර ගත් දොඩම් ලෙලි කුඩු තේ හැඳි 3කට රෝස වතුර තේ හැඳි 2ක් සහ කිරි තේ හැඳි 1ක් මිශ්‍ර කර පිරිසිදු කර ගත් අත් යට අලේප කරන්න. විනාඩි 15කින් පමණ සිසිල් ජලයෙන් සෝදා හරින්න. අත් යට සම පැහැපත් කරන්න දොඩම් ලෙලි සත්කාරයට පුළුවන්.

6. පොල් තෙල්

පොල් තෙල් අත් යට අඳුරු බව ඉවත් කරන්න තවත් හොඳ විකල්පයක්. පොල් තෙල් වල විටමින් E අඩංගු වන නිසා ස්වාභාවිකව සම පැහැපත් කරන්නත් උදවු වෙන අතරම ස්වාභාවික ඩියෝඩ්රන්ට් ලෙසත් කටයුතු කරනවා. අඳුරු වූ අත් යට පොල් තෙල් ආලේප කර විනාඩි 10 - 15 දක්වා තියෙන්නට හැර මෘදු සබන් යොදා සෝදාහරින්න.

හැබැයි ඔයා මේ මොන ප්‍රතිකර්මය කරත් ඊට කලින් අත් යට දහදිය හා කුණු දුවිලි ඉවත් වෙන විදියට හොඳින් පිරිසිදු කර ගත යුතුයි.

Related Articles

Featured Articles

Trending Articles

අපේ ජනප්‍රියම ලිපි

Like to have attractive hair?
   14,121
   831

ඔයත් කැමතිද ආකාර්ෂණීය කෙස්කළඹක හිමිකාරිණියක් වෙන්න

පංචකල්‍යාණය අතුරෙන් ඉතාමත් වැදගත් කල්‍යාණයක් තමයි කේශ කල්‍යාණය. ඉතිං ඔයාට ශක්තිමත්, දිගු වගේම සුන්දර කෙස්කලඹක් නෑ කියලා ඒ ගැන හිතමින් වද වුණු කාලේ දැන් ඉවරයි
Mom must dos after a c-section
   21,973
   688

මේ සිසේරියන් සැත්කමකින් පසුව මවක් අමතක නොකර කළ යුතුම දේවල්

සිසේරියන් සැත්කමකින් දරුවෙකු බිහි කළ මවක් සාමාන්‍ය දරු ප්‍රසුතියකට මුහුණ දුන් මවකට වඩා වැඩියෙන් තමන්ගේ ආරක්ෂාව ගැන සිතිය යුතුයි. ඒ වගේම
Are you lost in your dreams?
   572
   392

ඔයත් ඔයාගේ සිහින අතර අතරමන් වෙලාද?

ඔයාගේ තිබ්බ සිහින නැති වෙලා යන්න, මේ හේතුද බලපෑවේ කියලා අද හැඩකාරි එක්ක හොයලා බලමු
How to control your arrogant child
   1,005
   263

කේන්ති ගන්න පොඩ්ඩොන්ව මට්ටු කරන්න tips 05 ක්

ඔයාට මේ කියන කතාව ඇහුවට පස්සේ ඔයාටම තේරුම් යයි ඔයාගේ දරුවාගේ තරහව පාලනය කරන්න ඔයා හරියටම කළ යුතු දේවල් මොනවාද කියලා
Jack fruit to prevent cancer
   818
   174

පිළිකාව කියන වචනයටත් බය ඔයාට වරකා වලින් විසඳුම

පිළිකා වර්ග අතරේ සුව කරන්න අමාරු මහා බඩවැලේ ඇති වෙන පිළිකාව, වාසනාවකට මෙන් වරකා වල ඇති සුවිශේෂි ගුණයන්ගෙන් සුව කර ගන්න පුලුවන්. අද හැඩකාරි අපි කියන්න යන්නේ වරකා වලින් පිලිකා නසන්නේ කොහොමද කියලා

Latest Articles

Most Viwed