තෝර මාළු බැදුම

තෝර මාළු පෙති 4ක්
අඹරා ගත් ඉගුරු තේ හැදි 1/2ක්
අඹරා ගත් සුදු ළූණු තේ හැදි 1/2ක්
කහකුඩු තේ හැදි 1/4ක්
මිරිස් කුඩු තේ හැදි 2ක්
තුනපහ කුඩු තේ හැදි 1ක්
ලුණු තේ හැදි 1ක්
වතුර මේස හැදි 4-5ක්
දෙහි යුශ ස්වල්පයක්
තෙල් බෝතල් 1/4ක්

තෝර මාළු හා වතුර හැර අනිකුත් සියලුම අමු ද්‍රවය භාජනයකට දමාගන්න. එය හොදින් එකිනෙකට මිශ්‍ර කරගන්න. එම මිශ්‍රණයට වතුර ටික ටික එකතුකරන්න. එය එකක් ආකරයට මිශ්‍රකරගන්න. (උකුවට, දියරයක් නොවන පරිදි)

දැන් එම මිශ්‍රණය මාළු පෙති 4ම හොදින් තවරා ගන්න. පසුව එම මිශ්‍රණය මාළු පෙතිවලට හොදින් උරාගැනීමට විනාඩි 30ක් හෝ පැය 1ක් පමන තබන්න.

ඉන්පසු නොගැඹුරු තෙලේ බැදගන්න. පිලිගැන්වෙමිදි දෙහි පෙත්තක් සමග පිලිගන්වන්න.

(ඉහත මිශ්‍රණය වෙනත් මාළු වර්ග බැද ගැනීම සදහා භාවිතා කිරීමට හැක.)